بیرهاتنێن ڕەش
مستەفا مەلا سلیم ئاكرەیی
ژبیرا وە دهێت ..!!
دەما مێرگ و چیمەنێن مە
خوین ڤێدا دهات .. و
كانیكێن مە شێلی كرین
با و بارۆڤە و تەیر و تەوالێن
گوندێ مە كوچبەردبوون
لسەر عەورا هێلین چێكرین
نەپارچەكا عەردی هەبوو ..
بێهنا خۆ لسەر ڤەدەن
نەژی بەژنا چنارەكێ ڤێدا بهێت
بایەكێ هین
ژبیرا وە دهێت دەما زارۆكێن مە
ب زیندی بن ئاخكرین
قیژی و هەرارێن وان دبوونە
پەیامێن ئەسمانی..
مزكەفت و دێر خڕ كەڕ كرین
نە ئەسمان دهەوارا مە هات
نەژی بایێ مێرگەكا شین
زاروكێن مە هەر هەمی
دخوها بیابان ڕەش دا
خەندقین..
ئەڤجا وەرن هندی زوی یە
دا دەستێن ئێك و دو بگرین
بەری بمرین .. یان بخەندقین
بەرڤ دەروازێ ژیانێ و
ریفراندومێ بچین.
