نیڤ ملیۆن کەس ل لوبنانێ کۆچبەر بووینە
حوکمەتا لوبنانێ راگەهاند ژ بەر ئێرشێن ئسرائیلێ یێن ل سەر باشوورێ لوبنانێ هەتا نها نیڤ ملیۆن کەس کۆچبەر بووینە و بەرێ خوە داینە هندەک دەڤەرێن دی یێن ئارام ل لوبنانێ.
حوکمەتا لوبنانێ ئەو یەک ژی دیار کریە ژ ئەنجاما ئێرشێن ئسرائیلێ هەتا نها ب سەدان وەلاتیێن سڤیل بووینە قوربانی کو تێدا نێزیکی سەد زارۆ ژی هەنە، ئەو یەک کارەساتەکا گەلەک مەزنە و دڤێت ئسرائیل ئێرشێن خوە یێن ل سەر وەلاتیێن سڤیل ل لوبنانێ بدەتە راگرتن، چونکی هەتا نها ب سەدان مال وێران بووینە و خەلک بەردەوام کۆچەر دبن.
ئەو یەک د دەمەکێ دایە کو بەری نها وەزارەتا بەرگریێ یا ئسرائیلێ دیار کربوو وان داخواز ژ وەلاتیێن سڤیل ل باشوورێ لوبنانێ کرینە کو مالێن خوە چۆل بکەن دا چو زیان نەگەهیتە وان، چونکی ئەو دێ ئێرشی بنگەهێن سەربازی یێن حزبوللا لوبنانێ ل باشوورێ وی وەلاتی کەن.
