خەون من ناهێلنە ب تنێ
عارف حیتۆ
ئەز ل هیڤیا كەسێ نینم..
ب تنێ یێ چوویمە چۆلێ و
ب رێڤە دبینم دەنگێ بەرزێ بۆلەبۆلێ
… سترانەكێ هەستێن من برنە بالاڤێ
چیایەكی چریسكەك ژ گڕكانێ ڤەكر
دا رۆهنكەت رێكا گۆلێ..
هەر خەونەكا ل گەل من هاتی
سوحبەتخۆش و دلحەبینە
قاپیتێ من بەخچەیەكێ بێ دەرۆكە
كولی ژی دگەهتە پاخلا من.
ما دێ چ ژ من كەفتە ئاڤێ..
ئەگەر هاتو پێنگاڤەكێ پاشڤە پاڤێم
یان پێشڤە بهێم؟!
نێ هەر ل هیڤیا كەسێ نینم
خەون ژی هەردەم یاوەرن
چ جا من ناهێلنە ب تنێ!
