نوكە تە دیت!
خەلات محەمەد
تە چەوا ئەڤینەك نوی كر
نزانم تە چەوا خوە نێزیك كر
تە كەڤناریا رهێن خوە د دلێ من دا هێلا
تە بوردوومانا تیریێن خوە ل پشتا من چكلاندن
ل خوە دزڤریم، ل بلنداهیا چیای ب سەركەفتم
ئەو بەفرا تە بۆ من باراندی
كریە جوانی تنێ تە ببینم
یا بوویە ئاگر و بەربوویە هناڤێن من
ژنوی تە دیت!
ئەز كیمە؟!
ئەز كەڤناڕێ رهێن تەمەنێ تە مە
سیبەرا مژویلانكێن ل سەر چاڤێن تە بووم
چیایێ مەزنێ بەرەڤانێ ڤەشارتنا روحا تە مە
بێهن و هەناسەیا گولێن بەژنا تە بووم
نوكە تە دیت وێرانی!
چەوا د هۆزا ئافرەتێن جیهانێ بۆ تە وێران بووم
تو ئەو ئافرەت بووی یا ژ ئادەمی بۆ من هاتی!
حەوا ژیانێ بووی ژ جوانیا مەریەما ئومرانی
زولەیخا من بووی د سەروەرییا زەلامێ عەشقێ
ئەی نیرها ڕۆژا ئەڤینێ
تە ئەڤین نوی كر
و وێرانیێ چیایەك هەرڤاند
ئەو زەلامەك بوو مەزنتر ژ چیایێ ئێڤرست
نوكە تە ژ هەر تشتی
تنێ تە خو نەدیت
تو نزانی ل كیڤەیی؟
بۆ كێ ژیایی
كی بۆ تە ژیان بوو
ژ نوی خوە دبینی
بەلێ ئاگرێ خوە نابینی
هیڤیدارم
ل خوە بگەڕی تو وندا بووی.
