مە بجهـ ئینا یا مە گۆت
رەیان خالد
مە بجه ئینا یا مە گۆت
دلێ نە حەزا پێ سۆت
راستی هەر دێ سەركەڤیت
بیتە ئاگر و بزۆت
::
ئەڤرۆكە ب ئاهەنگن
ژێر هەمان دۆز و رەنگن
ئەلهۆیێن وان زنارا
باوەری ل مە جەنگن
::
ئەو دۆزا راستەقینە
نەلڤ و گوهۆڕینە
دیرۆكەكا رۆناكە
ئاڤاكەر و ئەڤینە
::
نە گۆتارا كینێ یە
نە دوژمنێ ژینێ یە
سەنتەرێ سەركەفتنێ
هەر ژ دیرۆكا وێ یە
::
ئەلندا ڤی وەلاتی
ما كییە ژبلی پارتی
خۆراگری و پێكڤەیی
ب مزگینیڤە هاتی
::
مللەتی جاردی سەلماند
نەچەمیا خۆ نەچەماند
ئالا بەرز ما بلند
تیرۆژكا سروود ڤەهاند
::
بەرامبەر تەڤ پیلانا
تەڤ ئاستەنگ و خیانا
ئەفسانەیا وان شكاند
ڤان شێرە پارتیزانا
::
ئەم حەقن راستی ئەمن
نە ژناڤدچن نە دچەمن
چەند سال و دەم ببۆرن
ئەو دارێن تێر بەرهەمن.
