پێدڤیە مرۆڤ دەستان ژحەزێن خوە یێن زارۆكینیێ بەرنەدەت
هەرهین محەمەد:
عادل ئۆرەماری، سترانبێژێ كۆچكو ودیوانان، د دیدارەكێ دا بۆ رۆژنامەیا ئەڤرۆ دبێژیت: سترانگۆتن بۆ من گەلەكا خۆشە و رۆژانە ل گەل سترانان دژیم و هەكە چەند كاودانێن سەخت و دژوار بۆ من چێبن ب ئێكجاری دەستان ژ سترانگۆتنێ نا بەردەم، چونكو ژیان یا بەردەوامە و د ژیانێ دا دێ مرۆڤ گەلەك خۆشی و نەخۆشییان بینت، لەورا نابیت مرۆڤ دەستان ژ ئەوێ حەزێ بەردەت یا كو مرۆڤ ل گەل مەزن بووی.
ناڤبری گۆت: بەری چەندەكێ تووشی نەخوشیەكا گران بووم و نشتەگەریێن مەزن بۆ من هاتنەكرن و سوپاس بۆ خۆدێ نوكە رەوشا من یا ساخلەمی گەلەكا باشە و دشێم وەكو بەرێ سترانان بێژم، بۆ زانین دەستپێكا منا سترانگۆتنێ بۆ زارۆكینی دزڤریت.
