كلیپەكا نوو دێ بەلاڤ كەت
زنار تۆڤی:
سترانبێژ (جێگر ئەمین) د دیدارەكێ دا بۆ رۆژنامەیا ئەڤرۆ دبێژیت: ل چەند رۆژێن بۆری من سترانەكا نوو ب ناڤێ (تە خەملا خوە كریە) تۆماركریە، ژ پەیڤ و ئاوازێن غەریب قادری نە، ل تۆن ستۆدیۆ ل دهۆكێ هاتیە تۆماركرن و ل وەلاتێ ئەلمانیا هاتیە كلیپكرن، من كارێ سیناریۆ و دەرهێنانێ بۆ ڤێ كلیپێ كریە و ئەڤە كلیپا من یا سێیێ یە ئەز بەلاڤ دكەم.
ناڤهاتی گۆت: ئەڤە دەمەكێ درێژ بوو من چ ستران و كلیپ بەلاڤ نە كربوون، لەورا پشتی بۆرینا نێزیكی پێنج سالان من سترانەكا نوو تۆماركر و ل 20 ی ڤێ هەیڤێ ل سەر كەنالێ خوە یێ یۆتیۆبی ڤێ كلیپا خوە یا نوو دێ بەلاڤ كەم و نوكە هژمارەكا سترانێن نوو ل بەر دەستێ من هەنە و د ئەڤ سالە دا دێ بەلاڤ كەم.
