فەرە سترانبێژ مۆزیكێ بژەنیت
سولین سلێمان:
شیشار ئەسوەد، سترانبێژ و ژەنیارێ عۆدێ، د دیدارەكێ دا بۆ رۆژنامەیا ئەڤرۆ دیاركر كو ئەو خەلكێ باژێرێ كۆیە یە، لێ پارێزگەها كەركووكێ ژدایكبوویە و دژیەكێ بچووكدا دەست ب ستران و مۆزیكێ كریە و ب كارێ خوە یێ دلخۆشە.
ناڤهاتی گۆت: هەردەم ئەز دبێژم گەلەكا فەرە كو سترانبێژ بزانیت ئامیرەكێ مۆزیكێ بژەنیت، هەروەسا پێزانین ژی ل سەر مۆزیكێ هەبن و ئەڤ چەندە دێ بیتە هۆكارەك كو سترانبێژ ب خوە بۆ خوە ئاوازان دانیت، هەروەسا ل دەمێ سترانگۆتنێ ژی دێ شێت ناما خوە گەهینیت و ب دیتنا من عۆد ئامیرەكە هەردەم ئارامیێ ددەتە گیانێ مرۆڤی و یێ كەیفخۆشم كو گەلەك كەس ل بەر دەستێن من فێرێ ژەنینا وێ بووینە.
