گرۆپێ رۆژ داخوازا پشتەڤانیێ دكەت
دلڤین رەشید:
سترانبێژ و مۆزیكژەن (دلگەش حازم) د دیدارەكێ دا بۆ رۆژنامەیا ئەڤرۆ دیاركر كو ئەو خەلكێ باعەدرێ یە و نوكە قوتابیێ پەیمانگەها هونەرێن جوانە، هەروەسا دامەزرێنەرێ گرۆپێ رۆژ مۆزیكە و دناڤ مالباتەكا هونەری دا مەزن بوویە.
ناڤهاتی گۆت: پشتی پێشكەفتنا تەكنۆلۆژیایێ، وەكو گەنجەك دبینم هێدی هێدی گەنجێن مە وێ ژ كلتۆرێ خوە یێ رەسەن دووردكەڤن ئەڤ چەندە ژی مەترسیە ژبۆ ژبیركرنا ئەڤی كلتۆری ژلایێ نڤشێ نوو، لەورا هزر بۆ من پەیدا بوو، كو ئەز گرۆپەكی دا بمەزرینم ژ ئاینێن جودا پێكهاتینە ژبۆ هندێ ئەم بشێن كلتۆرێ خوە یێ رەسەنێ كوردی ب پارێزین و ئارمانجا مە یا سەرەكی پاراستنا كلتۆر و ئەدەبیاتا كوردی یە ئەم دخوازن لایەنێن پەیوەندیدار هاریكارو پشتەڤانێن گرۆپێ رۆژ مۆزیك بن ژبۆ هندێ ئەڤ گرۆپە یێ بەردەوام بیت.
