ڤیان ئیسماعیل: چه‌ند ئه‌گه‌ر هه‌نه دادڤانێن کچ ل دهۆکێ دکێمبن
دیدار: پەروین سەلاح
د دیدارەکێ دا ڤیان ئیسماعیل دادڤانا باسكێت بۆلێ بۆ رۆژناما ئەڤرۆ دیارکر ئێکەم جار من دادڤانی کری ل سالا ٢٠١٨ێ بو ل پەیمانگەها وەرزشی دگەل مامۆستایێ خوه سەردار سالحی من گەلەك حەش کارێ دادڤانیێ دکر و من داخاز ژ مامۆستایێ خوه کر ئەز بهێمە دناڤا گۆرەپانا دادڤانیێ دا، وەكو کجەك یاریەکێ دا پشكدارکرم ئەو یاریە دناڤبەرا قوتابیێن یانه‌یا دهۆك و پەیمانگەها وەرزشی دابوو دڤێ یاریێ دا ئەز شیام ببمە دادڤان، ل سالا ٢٠٢٢ خولەك بۆ دادڤانان هاتە ڤەکرن لسەر ئاستێ ئیراقێ من پشكداری د وێ خولێ داکر و شیام باوەرناما دادڤانیێ لسەر ئاستێ ئیراقێ بدەستڤە بینم و شیام ببمە دادڤانەکا باوەرپێکری.
ناڤهاتیێ گوت: من گەلەك یاری ب رێڤەبرینە ژ خولا نایابا کۆردستانێ و یا ئیراقێ ژی لێ ئەز دبینم دادڤانێن مە یێن کچ ل دهۆکێ دکێمن ئەگەر هەین ژی تنێ خودان باوەرنامه‌یێن دادڤانیێ بوینەنە وەكو پیشەکار ناکه‌ن و ناهێنە دناڤا گورەپانا دادڤانیێ دا، ناڤبریێ دەربارەی وەرزشا کچان ئاماژە دا وێ چەندێ ژی: گەلەك ئەگەرێن هەین کو وەرزشا کچان بەر ب نەمانێ ڤە بچیت ژ وان ژی گەلەك کەس یێن هەین بێ باوەرنامە وەرزشی نە نەكو دەرچوویێن زانکویێ و پەیمانگەها وەرزشی نە و ئەڤ کەسە باوەرنامەیەکا وەرزشی یا پێ هاتیە دان و ئەڤ کەسە گەلەکێ بلند کری ئەگەرێ دویێ ژی بەرپرسێن مە یێن وەرزشی سوچ بار بینم.
ل دووماهیێ ناڤهاتی گۆت: داخاز ژ بەرپرسێن مە یێن وەرزشی دکەم چ باوەرنامە ب چ کەسان نەهێنە دان ئەگەر جهێ باوەریێ نەبیت یان دەرچووێن پەیمانگەها وەرزشی ب خوه نەبن چنکی ئەگەر هاریکاریا یاریزانان و دادڤانان بکەن یان هەر جۆرە وەرزشەکێ بکەن بێ جوداهی دێ دەلیڤەیێن وەرزشی بو کچا وه رزشفان پتر لێ هێن ئەگەرێ سێیێ ژی بو چەندێ دزڤرینم گەلەك یاریزانان رەوشا وان یا مادی نە یاباشە بۆ هاتن و چوونێ ئەڤە هەمی دبنە ئەگەر کو کچ خو ژ گۆرەپانا وەرزشی ڤەکێشیت، هیڤییا من ژ بۆ پاشەرۆژێ ئەز ب خوه ببمە خودان کار ژ بۆ کاری وەرزشی ژبەرکو ژیانا وەرزشێ ژیانەکا ساخلەمە.
