دهۆك و زاخۆ دێ ته‌ناهی و سێمێل مێڤان كه‌ن
ب فه‌رمی فدراسیۆنا فوتبۆلا كوردستانێ پشككێشان و ژڤانێ یاریێن قۆناغا ئێكێ یا كۆپا كوردستانێ راگه‌هاند ئه‌وا بڕیاره 30 یانه‌یێن هه‌رێمێ پشكداریێ تێدا بكه‌ن و هاتینه به‌لاڤكرن ل سه‌ر شه‌ش كۆمان و ب شێوه‌یێ كه‌فتنا ئێك جاركی، ئه‌وا بڕیاره یاریێن وان ل دووماهییا ڤێ مه‌هێ بهێنه ئه‌نجامدان، هه‌موو یاری دێ ل ده‌مژمێر2:15ێ پشتی نیڤرۆ هێنه كرن.
یاریێن 30- 1—2025 پێنچ شه‌مبی.
زاخۆ- سێمێل، یاریگه‌ها زاخۆ.
ئاكرێ- ره‌واندۆز، یاریگه‌ها ئاكرێ.
پیشه‌سازی- هندرین، یاریگه‌ها پیشه‌سازی.
زانكۆیا جیهان- شه‌قلاوه، یاریگه‌ها فرانسۆ حه‌ریری2.
بابان- بازیان، یاریگه‌ها زانكۆ.
چوارقوڕنه- سیروانی نوو، یاریگه‌ها جوارقورنه.
ڕزگاری- شێروانه، یاریگه‌ها شێروانه.
خاك- شۆرجه، یاریگه‌ها خاك.
یاریێن رۆژا 31-1-2025 ئه‌ینی.
دهۆك- ته‌ناهی، یاریگه‌ها دهۆك یا سێیێ.
پێشمه‌رگه‌یا هه‌ولێر- هه‌ولێر، یاریگه‌ها پێشمه‌رگه.
كۆیه- برایه‌تی، یاریگه‌ها كۆیه.
سه‌یدسادق- چه‌مچه‌مال، یاریگه‌ها سه‌ید سادق.
قه‌لادزێ- ڕانیه، یاریگه‌ها قلادزێ.
سۆران- هه‌لۆ، یاریگه‌ها سۆران.
كفری- ده‌ربه‌ندیخان، یاریگه‌ها كفری.
سیروان نه‌جمه‌دین سكرتێرێ فدراسیۆنا فوتبۆلا كوردستانێ دیار كر بۆ جارا ئێكێ یه ب ڤی شێوه‌یی ئه‌ڤ قاره‌مانییه دهێته ڕێكخستن پێخه‌مه‌ت زێده‌تر ده‌لیڤه بۆ یانه‌یان هه‌بیت تایبه‌ت یێن پلا ئێك و هه‌روه‌سان پشته‌ڤانییه بۆ یاریزانێن كوردستانی، ژبه‌ر بارێ دارایی یێ نه‌خۆش یا پرانییا یانه‌یان بۆ وه‌رزێ ئه‌ڤ ساله شێوازێ كۆمڤه‌بوون كو دو قۆناغ بن، د قۆناغا ئێكێ دا یانه‌یێن ل سنۆرێ جۆگرافییا خوه دێ یاریێ به‌رانبه‌ر ئیك كه‌ن، 30 یانه پشكدارن د قۆناغا ئێكێ دا بوونه حه‌فت كۆم، دووڤدا بۆ قۆناغا دویێ دێ 15 یانه مینن و دێ پشككێشان هێته كرن و شێواز هێته گوهۆڕین.
