هێشتا ئەم كورد یێ ل دەستپێكا بەرهەمئینانا فلمێن سینەمایی
عەزیز هەورامی:
دەرهێنەر (لیلیان ئەمیر) د دیدارەكێ دا بۆ رۆژناما ئەڤرۆ دیاركر، هەتا نوكە وێ پێنج كورتە فلمێن سینەمایی بەرهەمئینایە و نوكە یا بەرهەڤیێن خوە دكەت بۆ چێكرنا فلمێ شەشێ و ل بەرە ل نێزیك دەست ب وێنەگرتنێ بكەن.
ناڤهاتیێ گۆت: ئەم فلمێن من چێكرین هژمارەكا خەلاتان ل فەسیڤالێن جیهانی وەرگرتینە، بۆ نموونە كورتە فلمەكێ من كو دەمێ وی سێزە خۆلەكن و ناڤەرۆكا وی بەحسێ كێشەیێن ژنان دكەت د جڤاكێ مەدا، ڤی كورتە فلمی ل دو فەستیڤالێن (ئیتالیا) خەلاتێ باشترین دەرهێنەر وەرگرتیە، جهێ خۆشحالیێ نوكە ل كوردستانێ گرنگی ب ڤان جۆرە فلمان دهێتە دان و مە گەلەك گەنج هەنە خەمحۆرێن پێشڤەبرنا سینەمایا كوردی نە و گەلەك كورتە فلم و فلمێن درێژ بەرهەمئینایە، لێ ل چاڤ وەلاتێن دەرڤە دا هێشتا ئەم كورد یێ ل دەستپێكا بەرهەمئینانا فلمێن سینەمایی ینە و پێدڤیە زێدەتر گرنگیێ پێ بدەین.
