ئەز ڤولكان و ئاگرم
سەگڤان ئەحمەد
ژار و مەستم دعەشقا تەدا
ژخەم و كۆڤانا پڕم
تە دل هێلا كەتمە پێلا
ئەز ڤولكان و ئاگرم
ڤینا سالا ب ئێش و نالا
دل بوو پایتەختێ خەما
ڕۆژێ سەد جار دهێمە كوشتن
ڕۆژێ سەد جار ئەز دمرم
ئەی بێ دلێ ئەرێ كا تو
چوویی ل من هندابی
پشتی عەشق و ئەڤینا تە
چ دلا ئەز نا گرم
من دەست بەردان ژ ئەڤینێ
دا دل ئێدی نە سۆژت
دگەل كۆڤانا بتنێ دێ ژیم
بێ هەڤال و هوگرم
ئەز بوومە بلبلەك بێ دەنگ
پەر و چەنگێن من شكەستن
ژ جه نەشێم ئەز ب لڤم
نەشێم ئێدی ب فڕم
دناڤ خەمادا دگەڤزم
ئەڤ چ جەنگە ئەز تێدا
هشك بوو دارا هیڤیێن من
لەوا دێ ژبنی بڕم
سست و خاڤم پشت چەمییا
چاڤا بیناهی نەما
عەمر بۆری ئەز بوومە كال
ئالا سپی دێ هەلگرم.
