7×27
یوسف صفار
دەمێ سەرنج و ئاماژە دكەڤیتە سەر لایەنەكێ ژیانێ، كەلتۆر و جڤاك خۆ د بازنەیێ بەرخۆدانێ دا دهەلاڤێژن ژ پێخەمەت راستیەكا راست، ڤێچا ئەڤ سەمتە ئاوایەكێ هزركرنێ و ئایدلۆژی بیت، یانژی ب تنێ سەرەدەری و نەهایداری بیت. ناڤونیشان، یانژی بێژین رۆخسار جاران هندی ناڤەرۆكێ و بابەتی یێ گرنگە و د هندەك خالان دا سەری ژێ وەردگریت، ئانكو پێشەكییا بابەتی د ناڤونیشانێ بابەتی دایە. دەمێ خواند و بەرچاڤدیتنا هەبوونا هژماران چەندین پرسیار د مێشكێ مرۆڤی دا زیق دبن، سەلەمێش دبن. ئەرێ ئەڤ هژمارە بۆچی بووینە ناڤونیشان؟
بۆچی كریارەكا بیركاریێ بوویە هێما بۆ رەوشەكا هزركرنێ و ل سەرراوستیانێ؟
ئێك دبێژیت: مالا تە ما تە چ پەیڤ نەدیتن، نەبوون، ب دەست تەڤە نەهاتن؟
ئێكی گۆت: بۆچی لێكدان؟
یێ دی ل كۆژیێ تاری هاتەدەنگ و خۆری: خەلك یێ ل كیڤە و دچ رەوش دا و هوین یێ بەحسێ كریارەكا بیركاریێ و لێكدانا هژمارا دكەی؟
هندەك ژ دویر گازی دكەن: دیارە ئەڤی دڤێت مشتومرا بابەتێ سەیان ژبیرا خەلكی بەت و بیركاریێ بكەتە بابەت؟
دێ كانێ دا ئەم ژی ڤەرێژا هەبوونەكا بابەتی د ناڤبەرا بابەتی دا ئاڤابكەین، دا بەرسڤا پرسیارێن پرسیارا ب هویری بدەین…د هەبوونەكا خۆرسی دا، رویدان و بابەت جهێن خۆ لێكدگوهۆرن، نەمازە ئەگەر لایەنەكێ ئەدەبی بهێتە دناڤدا و بایەخا رۆخساری و ناڤەرۆكێ وەكهەڤدكەت، چونكی بابەت گۆتارە و گۆتار ژی تایەكێ سەرەكیێ پەخشانێ یە و پەخشان و هۆزان پێكڤە ئەدەبێ پێكدهینن و دەرئەنجام هونەر ژێ دەردكەڤت و گۆتارا هونەری ژێ دهێتە زمان، كەواتە ناڤونیشان دبیتە تمامەرێ بابەتی لدویڤ پیڤەرێن ئەكادیمی. لەورا ژی ناڤونیشان ئارمانجا بابەتی هەلدگریت ئەڤە ژ لایەكیڤە و ژ لایەكێ دیترڤە دبیت هندەك ئەگەرێن دیتر هەبن، ڤێچا چ رەوشتی بن، یان سیاسی، یانژی سوسیۆلۆژی بن. د كەڤلۆژانكێ هەبوونێ دا نڤیسەر پەنایێ بۆ ناڤونیشانەكێ مژاوی دبەت سەخمەراتی ئارمانجەكا دیاركری، هۆسا و د بەرسڤەكا دیتر دا كریارا بیركاریێ گرێدانەكا رەها ب ژیانا مەڤە نەمازە یا رۆژانەڤە هەیە. چونكی ژیان و جڤاك و سیاسەت و ئابۆر هەمی بیركارییە، پەنا برن بۆ بیرۆكەكا مەبەستدار پتر ژ ئارمانجێیە چونكی د بیرۆكەیا ئاسای دا(بۆ دبیتە بو). بەلێ د ئەدەبێ و زمانەڤانیا ئەدەبی دا (بۆ نابیتە بو). ژبەركو ئامراز و كار ژێ دهێنە بەرهەمئینان، دیسا هەبوونا شاشیێن رێنڤسی د پراگرافەكێ فەرمی دا زێدەباری هندێ كو كێماسی یە، ئەو د كەفلۆژانكێ سەلیقێ دا نەرەواییە. د بەرسڤەكا دی یا بابەتی دا كانێ بۆ پەنابرنێ بۆ هژماران ل جهێ پەیڤان خۆرستیا پشت تێكستی دهێتەزمان، كەلۆ پەیڤ تێكستە هەروەكی گریەكا شێوەییا بیركاریێ تێكستە،،رەنگە ب هژماران پەیاما زۆتر بگەهیت، بەلێ یا قورس و پێدڤی ب هزركرنێ دێ هەبیت، لێ بكارئینانا پەیڤان ئێش و ئازاران ل دویڤ خۆ دهێلیت، ب تایبەتی ئەگەر ئاماژە یا راستەوخۆبیت، ژبەركو ئاماژیێ دكەتە رێنمایی. كەلۆ ژیان بەردەوامی یە هندەك دێ چنە نێچیرێ و هندەكێن دی دێ كارێ بازرگانیێ یان سیاسەتێ كەن و هندەكێن دی مینا مە دێ ب مژاویێ پەیڤا د ناخێ تێكستیدا ئالۆزكەن هەتا دگەهیتە لێكدانێ یان ژێبرنێ و كۆمكرنێ داكو دەربرینەكا ئارمانجدار ئاڤا بكەن، ئانكو دیاردەیێن جڤاكی ورویدانێن جڤاكی ستوونی و ژبیركرنا نا نخێڤن، بەلكو ئالاڤ بۆ دەربرینێ ب كریارا كریار دهێنە ئەنجامدان، لێ ل ڤێرە وەكو هەست و بەرپرسایەتیەكا وژدانی یا گرێدایی ناخ و ئایدلۆژیەتا دۆزێ بەرچاڤ دبیت، جاران مرۆڤی دئێخیتە د ئازاردانێ دا و هندەك رێزكرنێن لەنگەر ژێ بەرهەمدهێن، هۆسا د روینشتنەكا ڤەكری دا بۆ دیتنا نڤێسارەكا میری كو ژ رێڤەبەریەكا ناڤدارا باژارێ مە دەركەڤتی و ب سەدان مرۆڤ دبینیت و سەرنجێ لێدكەن دبتیە رۆژەڤا رۆژێ، مە خواند پاشی خواندەڤە، ئەو هەفت رێزبوون، بەلێ هەفت رێزین بیست و هەفت شاشیێن رێنڤیس ب خۆڤەگرتبوون، مە دانوستاندن و پرسیاركرن لێ كر بەرسڤا شۆلەژێ ئەوبوو، ما یا ژ وێ خەلەتە، نێ جڤاك یێ تژی بابەتیێن دێ یێن گرنگە بۆچی دێ خۆ ب ئەڤێ یەكێ ڤە مژوولكەن، ئەم ل سەر گەهاندنا بەرپرساتیێ دودلبووین، بەلێ ل دوماهیێ ئەم د ناخێ خۆ دا گەهشتینە وێ چەندێ كو هەر كەسەك لدویڤ شیان و بسپۆریا خۆ فەرە خۆ ل كێموكاسیا بكەتە خۆدان، ب دیتنا مە ئەڤە دۆزە و نڤێسینە و وژدان و بەرپرساتییە، لەورا خامەیی ئارمانجا خۆ گەهاندن.
