رێزلێنان
ناجی بەدەل
رێزلێنان ئانكو رێزگرتن و نیشادانا پێزانینێ یە بۆ ئەوی كەسی ب تایبەتی ب ئەگەرێ كارتێكرنا بەرهەم و تێگەه و شرۆڤە و هرزكرنێن وی ل بیاڤێ جڤاكێ و سیاسی و ئابووری و كلتۆری و هونەری هەتا دووماهیێ دهێتەكرن.
رێزلێنان نە ئەوە ب چەند پەیڤ و گۆتنێن بریقەدار و پەیڤ و رستە و پرەگرافان دا بێنە رێزكرن، بەلكو رێزلێنان ب كردار و ل دووفچوون و ب كارئینانا وێ لێزانینا ب وێ رێكێ وی دایی دەست خۆشی لێ بهێتەكرن داكو دەست بۆ دەستی و بۆ بەرەڤ پێشڤەبرنێ بهێتە برن، ئەڤجا د هەر بیاڤەكی دابیت.
نەریت و رێ و رسمێن بڤی شێوەیی دناڤ جڤاكێن سەقامگیر و ئارام دا پتر دشێن پێشڤەبرنێ بێخنە د بیاڤێ شیانان دا، كورد ژی ب درێژیا دیرۆكێ د رەوشێن بەردەوامێن شەڕی دابوویە وەك پێدڤی گرنگی ب ئەڤی لایەنی نەدایە هەكە دابیت ژی د بیاڤێ بەرگریكرنێ و مانێ دا بوو ئەو ژی وەك خەلات و دیاری بۆ دهاتنە دانان.
ئەڤ كلتورێ رێزگرتن ل بەرهەم و كار و كەدا كەسێن رەنجدەر و رێنجبەرێن دناڤ جڤاكی دهێتەكرن د بیت، تازە و نووگەریێ هەتا ئاستەكی ئینایە ناڤ مەدا و رێز ل كەد و ماندیبوونا كەسێن دیار بهێتەگرتن، هەكە سەردەمەكی بەس ئەڤ چەندە بۆ كەسێن دەسەلاتدار و خودان هێز و شیان بوو، دەلیڤەیە بۆ هەموو كەسان نەبوو بگەهنێ، لێ ئەڤرۆ دەرگەهێ وێ رێزگرتنێ مەزن بوویە و هەر تاك و كەس و خودان هزرا ئاڤراندنێ دشێن د ناڤا ئەڤێ رێزگرتنێ دا خوە ببینن، ئەڤجا چ ل سەر دەمێ ساخی و ماناوی بۆ بهێتەكرن یان پشتی مرنا وی و ژنوو هەست ب تێگەه و هزرێن وی بهێتەكرن.
دناڤا ژینداریا كوردی دا ل سەردەمێ ساخیا چ كەسێن خودان هزر رێز لێ نەهاتیەكرن بەلكو پشتی مرنا وی نەبیت، بەس كەسێن سەردەست ل دەمێ ساخیێ بۆ دهاتەكرن، ل ئەڤێ دووماهیێ رێزگرتن ل دەمێ ساخی و هەبوونا وی دناڤا كەسێ كارتێكەر دهێتەكرن ئەڤ چەندە بها و پشتەڤانیەكا زۆرا زێدەتر ددەتە كەسێن دی كو هەردەمێ وەك ئەوان دێ بڤی شێوەیی كەد و هزر و رێیا وەگرتی یە بەر ب رێز و سۆپاسی هێتە پیرۆزكرن.
ئەڤ كلتۆرێ رێزلێنانێ ب بیتە دەرگەهێ پشكەفتنێ و ماندیبوونا زێدەترا كەسێن خەباتكەر د بیاڤێن جودا دا، لێ دڤێت چەند بنەما و رێسا بۆ رێزلێنانێ دیار و بەرچاڤ بن داكو ئەڤ بها و رێزا لێ وان كەسان دهێتەگرتن بەرەڤ ئاقارەكێ نە دروست و سڤكرنێ نەهێتە برن.
