دەرسۆكـا سۆر یـا شڤانـێ بـارزانـی و ملپێچا جۆتیارێ سـەرگـەران
نـزار بنیامێن رێكانـی
بەری دەرسۆكا سۆر ل كوردستانێ و دەڤەرێ، دەربكەڤیت چەندین جۆر و رەنگ و ناڤێن جودا هەبوون، دەمێ دەرسۆكا سۆر دەركەفتی و هاتی یە دەڤەرا بارزان ل دەستپێكا سالێن سیهان دا ل سەدێ بیستێ، ئێكەم جار دەرسۆكا سۆر هاتیە گرێدان و ئێكەم كەس شێخ (ئەحمەد بارزانی بوو، ژ بەر ڤێ چەندێ وەك ڤیان حەزژێكرن بۆ شێخێ نەمر هەمی بارزانییان جەمەدانیا سۆر گرێدان، ژ بەر ڤێ چەندێ بڕیار دەرچوو (الاحكام العرفی) ژ لایێ كاربەدەستێن حوكمەتا ئیراقێ ل دەڤەرێ، هەر كەسێ جەمەدانیا سۆر گرێبدەت ئێكسەر بگرن و سێدارەبدەن و بكۆژن، جارەكی مەفرەزەكا پۆلیسان ل لایێ خوارێ یێ گوندێ بارزان راوەستیا؛ شڤانەكێ بارزانی جەمەدانیا سۆر گرێدابوو چاڤێ وان پۆلیسان ڤێ كەفت و گرت و ئێكسەر ب وێ جەمەدانیێ خەندقاند، ژ وێ رۆژێ تا ئەڤرۆ ئەو رەنگێ و جۆرێ جەمەدانیێ بوویە رەمزێ بەرخودانێ و تەسلیم نەبوونێ و خۆنەچەماندنێ، نەبتنێ ل دەڤەرا بارزان، بەلكو ل چەندین دەڤەرێن دی یێن كوردستانێ ژی، ئەوا ئەڤرۆ ژی دگەل جۆتیارێ كورد ل سەرگەران ل سنوورێ كەركووكێ هاتیەكرن هەما سیاسەت و عەقلیەت بوو ژلایێ هەمان رژێم ڤە، بتنێ جه و دەمێن رویدانێ دجیاواز بوون، ئەڤەیە دەمێ دبێژن مێژوو دوبارە دبیتەڤە، لەورا فەر و پێدڤی یە ئەم هەمی پێكڤە ئێك دەست و ئێك بڕیار بین ل هەر جهەكێ و هەر دەمەكی كوردەك بهێتە ئازاردان ئەم دژی وان كەس و لایەنان رابوەستین، بەیاننامەیێن سەرۆك بارزانی و سەرۆكایەتیا هەرێمێ و حوكمەتێ جهێ خۆشحالیا هەر كوردەكێ ب شەرف بوون و پێدڤی یە هەمی لایەنێن سیاسی ل هەرێمێ هەمان هەلوەست هەبن، ژبەركو بابەتەكێ نەتەوەیی و نشتیمانی یە، بژیت كورد سەرشۆری و شەرمزاری بۆ دوژمنێن گەلێ مە.
