شـادبوون وەکو ئارمانج
هـودا شـەریف یـوسف
شادی هونەرەكە و پێدڤی ب راهێنانێ یە. هەر رۆژ بلا ئەم هەول بدەین تشتەكێ نوی بكەین، كەسەكی شاد بكەین و ژیانێ ب چاڤەكێ گەش ببینین. ئەگەر ئەم شاد بین، دێ شێین جیهانێ گوهۆرین و كەسێن دی ژی بەرەف شادیێ بەین، ژیان هەمی دەما ب دلێ مە نینە هندەك جاران ئەم روی ب روی كێشە ئاستەنگان دبین، لێ هەر دڤێت ئەم شاد بین و گەش بین بمینین. شادی هیزەكە دشێت ژیانا مە بگوهۆریت. دەمێ ئەم شاد بین، جەستە و هۆرمۆنێن باش بەرهەم دئینین، ساخلەمیا مە باشتر دبیت و ئەم دشێن باشتر هزر بكەین و بریاران بدەین، گرنگە ئەم بزانین شادی نە د تشتێن مەزن دایە، جاران كەنیەكا زارۆیەكی گولەكا جوان یان سلاڤەكا گەرم دشێن مە شاد بكەن، هەر وەسا دڤێت ئەم قەبوول بكەین كو هەمی رۆژ نەوەكی ئێكن، هندەك رۆژ دێ د باش بن و هندەك رۆژ دێ نەباش بن لێ گرنك ئەوە ئەم هیڤیێ ژ دەست نەدەین و بەردەوام بین. شادی وەك گولەكێ یە، پێدڤی ب چاڤدێری یێ یە، دڤێت ئەم هەر رۆژ خۆ فێربكەین كو تشتێن ئەرێنی ببینین و كەیفخۆش بین ب تشتێن بچویك پێدڤی یە پەیوەندیێن جڤاكی گرێبدەین پەیوەندیێن موكوم دگەل خێزان و هەڤالان دروست بكەین دەمێ خۆ دگەل كەسێن دلۆڤان و گەشبین دەرباز بكەین گوهداریا كەسێن دی بكەین و هەست و سۆزێن وان گوهداربكەین، خەوەكا باش بكەین خوارنێن ساخلەم بخوین دەمێ بێهنڤەدانێ بۆ خۆ دابینبكەین نەخشەی بۆ داهاتی بدانین، د دەمێ نوكە دا بژین كەسایەتیا خۆ پێشڤە ببەین تشتێن نوی فێرببین ئارمانجێن بچویك دابنین بۆ گەهشتنێ كاربكەین سەركەفتنێن خۆ چ بچویك چ مەزن پیرۆز بكەین و یا ژ هەمیێ گرنگتر، خۆ ل گەل خۆ بگونجینین نە دگەل كەسێن دی، هەستێن خۆ دەرببڕین ب نڤیسینا رۆژانێن خۆ هونەر و داهێنانان وەك رێكەكا دەربرینێ بكاربینین گوه بدەینە مۆزیك و سترانان و بچینە د ناڤ سروشتی دا، هەروەسا باوەریێ ب خۆ بینین، خۆ قەبوول بكەین وەك خۆ و شانازیێ ب سەركەفتنێن خۆ ببەین، رۆژانێن خۆ رێك بێخین ب پلانا رۆژانە دەمێ بێهنڤەدانی ژبیرنەكەین كارێن گرنگ ل دەسپێكێ بكەین و دەمێ خۆشێ ژی د پلانا رۆژانە دا هەبیت و ل بیرا خۆ بینین هەر كێشەیەك دێ دەرباز بیت ژیان یا كورتە دا ب كەیف خۆشی دەرباز بیت و بزانین شادی هەلبژارتنە نە ب تنێ هەستە و كەنی باشترین دەرمانە.
