چلێ زڤستانێ
بەشیرا دەروێش
ئەورێن سباتۆكا رەش
خوە ل هەڤ دجڤینن
ئەورێن ئاڤز
تەپ تەپا خوە
ل دلێ من دخینن
دلێ ئەڤیندارا شاد دكە
هێڤیا ب خوەرە تینە
دەنگێ برووسكان
گوهێ من د پەقینن
وەرە ب بارە
ب بارە بارانێ
ببارە
زەمین ب تە شاد دبە
تۆڤێ خوە دبشكڤینە
بوهار ل هێڤیا تە یە
چڤیك ب تەڕە
گۆڤەندێ دگێڕن
ب بارە بارانێ ببارە
خەم و خێزا بووكان
ل سەر دیوارێ ئەشقێ
ب تەڤنا كەسكوسۆران ب رێسینە
تووركێ خەونێن مە
ب بارك شێرانی
ل سەر پشتا هەسپێن بۆز
ب دەستپێكا بوهارێ ڕە
بەدەو بكە و بشینە
بلا كولیلك
ل هەر دەرڤەرێ ڤەبن
هێسر ل سەر دێمێن یارێ
نەمینە
ببارە بارانێ ببارە
دەشت و زۆزانا ب خەملینە.
