هه‌ڤڕكییا سه‌رێ لیستێ د ناڤبه‌را سێ یانه‌یان دا ئاگرین بوویه
ب دووماهی هاتنا یاریێن گه‌ڕا 21ێ ژ هه‌ڤڕكیێن خولا پلا نایابا كوردستانێ یا فوتبۆلێ هه‌ڤڕكی بۆ ده‌ستڤه ئینانا سه‌ڕێ لیستێ و ناسناڤێ وه‌رزێ ئه‌ڤ ساله ئاگرین بوویه و یانه‌یا زاخۆ پێنگاڤێن باش دهاڤێژت و ئاكرێ ئه‌ڤ ئارمانجه ژ ده‌ست دایه.
تیما یانه‌یا شێروانه به‌رده‌وامه ل سه‌ر پاراستنا سه‌ڕێ لیستێ پشتی شیایی سه‌ركه‌فتنا 13ێ د خولێ دا بینت و دڤێ گه‌ڕێ دا ب دو گۆلان به‌رانبه‌ر گۆله‌كێ سه‌ركه‌فتنێ ل سه‌ر هه‌ولێرێ بینت، ژلایێ خوه‌ڤه یانه‌یا زاخۆ ژی به‌رده‌وامه ل سه‌ر كۆمڤه‌كرنا خالان و هه‌ڤڕكییا سه‌رێ لیستێ پشتی سه‌ركه‌فتنه‌كا گرنگ ل سه‌ر هه‌ڤڕكا خوه یا رێزا دویێ پێشمه‌رگه‌یا هه‌ولێر بینت ب4-2 گۆلان و هیڤیێن نێزیكی بوونێ گه‌شترلێكه‌ت بۆ رێزا ئێكێ.
ژلایێ خوه‌ڤه یانه‌یا ئاكرێ سه‌رباری سه‌ركه‌فتنا وێ ل سه‌ر برایه‌تی ب دو گۆلان به‌رانبه‌ر گۆله‌كێ لێ ئه‌و هیڤیێن ده‌ستپێكا سالێ چاندین ژبۆ پاراستنا ناسناڤێ وه‌رزێ بۆری گه‌له‌ك لاواز بووینه به‌لكو دبیت ژ ده‌ستدابن، هه‌ر ژ ئه‌نجامێن یاریێن دی یێن ڤێ گه‌ڕێ، هندرین 1-چنه پیشه‌سازی، شه‌قلاوه 2-2 سیروانی نوو، ڕانیه چنه-2 چوارقوڕنه، سه‌یدسادق چنه-3 ده‌ربه‌ندیخان ب بڕیارا فدراسیۆنا فوتبۆلا كوردستانێ.
هه‌لوه‌ستێ گشتی پشتی ب دووماهی هاتنا گه‌ڕا 21ێ بڤی شێوه‌ینه.
1- شێروانه 43 خال.
2- پێشمه‌رگه‌یا هه‌ولێر 39 خال.
3- زاخۆ 38 خال.
4- ئاكرێ 29 خال.
5- ڕزگاری 27 خال.
6- ده‌ربه‌ندیخان 26 خال.
7- برایه‌تی 26 خال.
8- هندرین 26 خال.
9- هه‌ولێر 24 خال.
10- سیروانی نوو 24 خال.
11- پیشه‌سازی 23 خال.
12- ڕانیه 23 خال.
13- چوارقوڕنه 22 خال.
14- شه‌قلاوه 17 خال.
15- سه‌ید سادق پێنج خال.
