ئەمریکا: چو رێیێن دی ل پێشبەری ئیرانێ نینن
پشتی کو رێبەرێ ئیرانێ عەلی خامنەیی دیار کر، ئەو ب چو رەنگەکێ ل گەل ئەمریکا دانوستاندنان ناکەن و دانوستاندن ل گەل ئەمریکا بۆ ئیرانێ کارەک گەلەک خرابە، وەزارەتا دەرڤە یا ئەمریکا دوهی د داخویانیەکێ دا دیار کر، د پەیاما بەری چەند رۆژان یا سەرۆکێ ئەمریکا دا بریارا دووماهیێ سەبارەت ب ئیرانێ هاتیە دان، نها دو رێ ل پێشبەری ئیرانێ نە، یان دڤێت ئیران سەبارەت ب بەرنامێ ئەتۆمی ل گەل ئەمریکا دانوستاندنان بکەت یان ژی دێ ئەمریکا رێیا دویێ گریتە بەر.
وەزارەتا دەرڤە یا ئەمریکا ئەو یەک ژی دیار کریە، کو ژ بۆ ئیرانێ ئێدی رێیا سیێ نینە، هەکە ئیران داخوازا ئەمریکا یا بۆ دانوستاندنان رەت بکەت دێ ئەمریکا رێیا دی گریتە بەر و ئەو یەک دێ ئەنجامێن گەلەک خراب بۆ ئیرانێ هەبین.
چاڤدێرێن سیاسی ژی دیار دکەن، هەکە ئیران بەرسڤا ئەمریکا نەدەت و دانوستاندنان رەت بکەت، رەنگە ئەمریکا و ئسرائیل پێکڤە ئێرشی بنگەهێن ئەتۆمی یێن ئیرانێ بکەن.
