25 سالن ل پرا دەلال وێنەگرە
دلۆڤان هالۆ:
فەوزی حەسەن، وێنەگرەكێ باژێرێ زاخۆیە، د دیدارەكێ دا بۆ رۆژنامەیا ئەڤرۆ گۆت: ئەڤە (25) سالن ل سەر پرا دەلال ئەز كارێ وێنەگریێ دكەم، ل سالا 2000 ل دوریانەكا ڤی باژێری من و چەند هەڤالەكێن خوە پێكڤە كاردكر، پشتی ماوەیەكی هندەك ژوان چوونە دەرڤەی وەلاتی و هندەكان ژی وێنەگرتن هێلا و ئەز بتنێ مام و هەتا نوكە یێ بەردەوامم، چنكو ئەز گەلەك حەزژ كارێ خوە دكەم، هەروەسا یێ بێنفرەهم ژی. هەروەسا گۆت: ل دەستپێكێ دەمێ من وێنە بۆ خەلكی دگرتن دا پلێتەكێ دەمی و پشتی چەند رۆژان دا هێت وێنەیێ خوە وەرگریت، لێ نوكە بووینە وێنەیێن بلەز و د دەمێ (54) چركەیان دا دەردكەڤن، جۆرەكێ دی ژی یێ وێنەیان دگرم ناهێنە چاپكرن، بەلكو ب مۆبایلێ بۆ دهنێرم، بەلێ وێنەیێن كامیرێ ژ یێن مۆبایلێ جوانترن، خوە هەكە مۆبایل چەندا پێشكەفتی ژی بیت، هندەك كەسان ئایفۆن شازدە یێن هەین، لێ وێنەیان ب كامیرا من دگرن، چنكو دزانن وێنەیێن كامیرێ جوانترن.
