دەمژمێرێن وەرزەكێ نوو
جەمال كــــــودی
د دوماهییا قورنەتەكە دوور دە
ل شەڤستانەكە دەرنگ
گلوازێن خەونێن مە یێن ساڤا
دڤەشارتینە وجیگرن،
بۆ بژاندنا تۆڤێ مزگینییا
د بێ دەنگ و بێ خەبەرن،
دەمژمێرێن گەشبوونا وەرزەكی نوو
دچاڤەڕێبوونێن مە یێن هەرجار دە
ل نیڤا ڕێ
د راوەستیاینە
و بڕێڤە ناچن،
رەنگێ پرێزێن سەرڕدی
پاوان وكۆزێن پڕ چێروان
چاڤا ب دیتنێ شاه ناكەن،
گەمییەكە كال و بێ ژڤان
دناڤ پێلێن خوەد هێلاین،
غەریبی، دووربوون، خوەگرتن
دپێشییا خەونێن مە دە
بوون ئەژدەهایەكی ب سەهم
كەنی، ماچ ، ئەڤینی
دناڤا بەرپەرێن مەدە
د بێ بها و دخرشن.
