چـەك دانـانـا ئـەڤـرۆ ژ یا سوبـاهی فـەرتـرە
محەمەد مراد
هەر چەندە پارتا كرێكارێن باكور خەباتەكا شۆرەشگیری توند دژی توركیا كریە و بەرگری ژ مافێن رەوایێن گەلێ كورد كرینە ل باكورێ كوردستانێ ب دەهان هزار شەهید كرینە قوربانی خەبات و بزاڤا شۆرەشگیری و شیاینە ل سەر ئاستێ جیهانێ خو بدەت ناسكرن، كو بەرگری ژ مافێن مللەتێن كورد ل باكۆر بكەت، دژی زولم و ستەما رژێما توركیا، پشتی خەباتەكا دوور و درێژ ل دژی رژێما توركیا، لێ ئەڤرۆ چەكی دانن باشترە ژ سوباهی. چنكو دەمێ شۆرەشێن كلاسیكی نەمایە، هەبوونا تەكنولۆجیایا سەردەم، هەمی هێز دهێنە گوهارتن، دانانا چەكی د بەرژەوەندییا گەلێ كورد دایە، ل باكورێ كوردستانێ ئەڤرۆ جیهان دلۆڤانیێ بهێزێن شۆرەشگیر نابن، چو هێزێن شۆرەشگیری ب چەكێ كلاسیكی یێ نهۆ نەشێن بەرگریێ ل بەرامبەر ڤان دەولەتێن زلهێز بكن، چەك دانانا پەكەكێ ژی نوكە زۆر فەرە، تایبەتی پشتی ژناڤچوونا (حزب الله) یا لوبنانی و حەماسا فەلستینی و حوسی یێن یەمەنێ، كو نەشیان خۆ ل بەر لێدان و تەكنولۆجییا سەردەم یا ئەمریكا و ئیسرائیلێ بگرن، سەدان هزار ژ وان هێزێن شۆرەشگێر دانە كوشتن و ل دوماهیێ ژی ئالایێ سپی راكرن. یا ئەڤرۆ پەكەكە ل سەر رازی ببیت چەكی دانن، د بەرژەوەندیا هەر چار پارچێن كوردستانێ دایە و تایبەتی كوردێن باكۆ و دێ بیتە فاكتەرەكێ سەرەكی دەه یان هزار كورد ژ زیندانێت توركیا بهێنە رزگاركرن و ب دەهان گەنج و سنێلە و چەكدارێن پەكەكێ ب خێزان و كەسوكارێن خۆ شاد دببن و ب شێوەكێ گشتی كوردێن باكۆر ژ بن زولم و زۆردارییا توركیا قورتال ببن و ب ناڤێ ئەندامبوون ل گەل پەكەكێ ژیان ل كوردێن باكور رەشكر بوو، یا باشهە خۆ تێكەلی ژیانەكا دیموكراتی و مەدەنی ل توركیا بكەن، كو دێ گەلەك مافێن وان ب رێكا دیموكراتیەت و هەلبژارتنان بدەستكەڤن، دەمێ هێزێن شۆرەشگیریێ ب سەر ڤەچوو، چو هێزێن شۆرەشگێری نەشێن بەرگریا تەكنولۆجییا لەشكری یا سەردەم بكەن و تایبەتی كورد د ناڤبەرا چار وەلاتێن دوژمن دا وەك تورك و فارس و هەردو دەولەتێن عەرەب دا، یا باش ئەڤرۆ بۆ هەر چار پارچەیان ب رێكا دیموكراتیێ و هەلبژاتنان خۆ بگونجینن، دا مافێن مللەتێ بەر جەستە بكەن، د دەستوورێن وان وەلاتان دا، هەر چەندە ئەم كورد دێ بێژین مە چو دۆست نین ژ بلی چیا، لێ ئەڤرۆ چیا ژی مە ناحەوینن، ژبەر تەكنولۆجییا سەردەم نەچیا و نەشكەفت و نە تۆنێل خۆ ل بەر ناگرن.
