ژن چەندا مەزنە !
زهێر كۆرەماركی
ئەگەر ئەم پیچەكێ د دیرۆكێ دا بچینە خار و رۆپەلێن وێ هەلدەین دێ بینن دكەڤندا چەند غەدر و خیانەت یا ل مێییێ هاتییە كرن، هەكە ژنەكێ كچەك ببا نەعیمێن هەموویان شین د بوون بەری هەموویان یێن دایكێ ب خوە باشە دایكێ تۆ مێیی چەوا ب دلێ تە نینە تە مێیەك ببیت ؟یان تۆ ژ زەلام و خەسی و خەزیرێ خوە دترسی نەكو سەرا هندێ بێیە بەردان، كو ئەڤە دحالەتەكی دا، ژدایكبوونا نێرو مێیا نە بدەستێ زەلام و ژنێ نە، حەتا نوكە ژی ئەڤە دجڤاكێ مەدا یا مای بەس ب رێژەكا كێم دایك و باب هەر دوك پتر شانازیێ بكوڕێ خوە دبن ژ ژنێ، ئەڤە دوەختەكی دا دڤیابا هوسا نەبا دڤیابا شانازی ب هەردوكا بهێتە برن، كچ و كوڕێن باش هەردو شانازینە بۆ دایك و باب و كەس و كاران و حەتا جڤاك و مللەتی ژی، ژن هندا مەزنە ل دەف خودێ لەوا بەحەشتا دانایە بن پێن دایكێ،چونكی دایك قوتابخانە یە هەموو نێرو مێ ژی قوتابیێن وێ قوتابخانێینە و ئەم تێدا یێن فێری ئەتەكێن ژیانێ دبین و یێن بووین، ژن دایكە هەڤژینە خوشكە، نوكە بیاڤەك نەمایە دەست و پەنجێن ژنێ نەگەهشتبنێ، ڤێجا بۆچی ئەی ژن تۆ ب خوە دێ خوە كێم بینی؟ ئەڤە بەری تاك و جڤاكێن نەزان ژی ب كێمی و چاڤەكێ نزم بەرێ خوە بدەنە تە، تۆ یا مەزن و بسەنگی هوسا مەزن و سەنگییا خوە بپارێزە و خوە كێم نەكە، هێشتا دجڤاكێن مەدا ژدایكبوونا نێرەكی هیڤی و شادی و بەختەوەرییە و ژدایكبوونا مێیەكێ ژی بێ هیڤی بوون بێهێن تەنگی و نەخۆشییە.
سەرەرای هندێ كو خەونا هەر زەلامەكی مێیەكە و خەونا هەر مێیەكێ ژی زەلامەكە، گەر ئەقلێ ژنكێ تێكچوو و مر، ئەڤە ئەقلێ گەل و مللەتەكی تێكچوو و مر،چونكی ژن قوتابخانەیە هەكە جوان و باش پەروەردە بوو یان یا پەروەردەكری بوو ئەڤە مللەتەك و گەلەك پەروەردەبوون، ژن مینا گولێ یە ب بارانێن نەرم ڤەدبیت و گەش دبیت ب ئەورێن گڕگڕی و خڕش، زوو دچرمسیت و دبەهیت. ژن و زەلام ژ بۆ ئێك یێن هاتینە ئافراندن دا ببنە دینەمۆیێن ژیانێ و ژیانێ جوان رازاوە بكەن .
هیڤیداری ژ جڤاكێن بابسالار پێداچوونەكێ د خوەدا بكەن دیتنا خوە لسەر مێیان بگۆهۆڕن و ب دیتنەكا ئاقلانەتر سەرەدەریێ دگەل بكەن، هەموو دەمان ژنكێ دڤێت لبن سیبەرا زەلامەكی بژیت، بەس ب واتا زەلام نە لبن سیبەرا زەلامۆشكەكی، زەلامی دڤێت هەردەم ژنەك پشتەڤان و هاریكارا وی بیت ب واتا ژن بیت نەكو ئەو ژی ژنكۆك بیت، ژن بۆ زەلامی وەكی كانیەكا ئاڤا زەلال و شرینە هەردەم تێهنییا وی پێ دشكێت و زەلام ژی بۆ ژنێ وەكی چیایەكی یە هێزو دلۆڤانیێ ژێ وەردگریت .
