میلیشیایێن ئیراقی ل شەڕێ ئیسرائیلێ و ئیرانێ بێ هەلوەستن
ئاژانسا دەنگوباسێن (ئەسۆشەیتد پرێس) یا ئەمریكی د راپۆرتەكێدا سەرنج ئێخستییە سەر بێدەنگی و بێهەلوەستییا میلیشیێن چەكداری یێن هەڤپەیمانێن ئیرانێ، ژ وان ژی میلیشیێن ئیراقی و لوبنانی، بەرامبەر وان هێرشێن ئیسرائیلێ ل چەند رۆژێن بۆری ل سەر ئیرانێ ئەنجامداین.
ئاژانسا دەنگوباسێن (ئەسۆشەیتد پرێس) بەلاڤكر» میلیشیێن ئیراقی بێدەنگییا هەلبژارتی، ئەگەر ژی هەبوونا دودلی و نیگەرانییا سیاسی و ئابۆرییە».
وێ ئاژانسا ئەمریكی رۆهنكر ژی» میلیشیێن ئیراقی ناخوازن رەوشێ ل خوە تێكبدەن، چونكە وان هەڤبەندی ل گەل دەولەتێ هەیە و ژ روویێ سیاسی و هەتا ئابۆری ژی ب گەلەك مفادارن ژ گەنجینەیا دەولەتێ».
سەبارەت ڤێ چەندێ ریناد مەنسوور، ڤەكۆلەر ژ ناڤەندا (چاتام هاوس) ل لەندەن دبێژیت» میلیشیێن ئیراقی دیت كا ئیسرائیلی چ ب سەرێ حەماس و حزبوللا لوبنانی ئینا. نوكە ژی دبینین ل ئیرانێ چ یا روو ددەت، لەوما نەك هزر د هێرشكرنێ سەر تەلئەبیب دا ناكەن، بەلكو دترسن ژ وێ چەندێ، پاشی ئیسرائیل ل وان بزڤریت».
ناڤبری دیاركر ژی» سەرەرای وێ چەندێ ئیسرائیلێ پشكەكا ئەسمانێ ئیراقێ بۆ بجهئینانا هێرشێن خوە بكارئینایە، بەلێ میلیشیێن ئیراقی بێدەنگی یا هەلبژارتی، چونكە رەوش ل ئیراقێ بۆ وان یا باشە، نوكە وان هەڤبەندییا ل گەل دەولەتێ هەی و ژ روویێ سیاسی و ئابۆریڤە د مفادارن».
