بەرپرسەكێ ئەمریكی: واشنتۆن ستافێ بالیۆزخانەیا خوە ل ئیراقێ كێمتركر
بەرپرسەكێ ئەمریكی راگەهاند: پشتی هێرشا ئەمریكی ل سەر جهێن ئەتۆمی یێن ئیرانێ، هەژمارەكا دی یا كارمەندێن بالیۆزخانەیا ئەمریكی ئیراق بجه هێلا، ئەڤ چەندە ژی د چارچۆڤەیێ بزاڤێن بەردەوامە بۆ كێمركرنا كارمەندێن بالیۆزخانەیا ئەمریكی ژ ئەگەرێ ئالۆزیێن دەڤەرێ.
وی بەرپرسێ ئەمریكی بۆ ئاژانسا فرانس پرێس راگەهاند» د چارچۆڤەیێ بزاڤێن مە یێن بەردەوام بۆ رێكخستنا ئۆپەراسیۆنان، ل رۆژێن 21 و 22 خزەیرانێ هەژمارەكا كارمەندێن دی یێن بالیۆزخانەیا ئەمریكی ل ئیراقێ ئەو وەلاتە بجه هێلا».
ئاماژە ب وێ چەندێ ژی كر» چوونا كارمەندێن بالیۆزخانەیێ درێژەپێدەرا وێ پرۆسەیێ بوو كو ل حەفتییا بۆری دەستپێكری، ئەڤە ژی ژ ئەگەرێ بلندبوونا ئالۆزیێن دەڤەرێ و پاراستنا سلامەتییا كارمەندانە، بەلێ بالیۆزخانە و قۆنسلخانە د كارێن خوە دا د بەردەوامن».
بالیۆزخانەیا ئەمریكا ل بەغدایێ و قۆنسلخانەیا گشتییا ئەمریكا ل هەولێرێ د بەیاننامەیەكا هەڤپشكدا، كو بۆ جارا دویێیە د دەمێ كێمتر ژ 24 ساتاندا، ل تۆرا جڤاكییا فەیسبووكی، هەڤوەلاتیێن ئەمریكی ئاگەهدار دكەن، ب هیچ شێوەیەكی سەرەدانا ئیراقێ نەكەن و چەند رێنماژی بۆ وان هەڤوەلاتیێن ئەمریكی بەلاڤكرن كو ل ئیراقێ نە.
