هۆشبەر تیرۆرا بێدەنگ
رەمـەزان زەكـەریا
ئێك ژ مەترسیێن بێدەنگ كو تووشی جڤاكێ بووی؛ بكارئینانا ماددەیێ هۆشبەرە و ژیانا دەهان كەس و خێزانان ژبەر ڤێ ئەگەرێ ژناڤچوونە، گەلەك گرنگ و پێدڤیە ل ناڤ ناڤەندێن خواندنێ ل قووناغا ئێكێ بنەرەتی هەتا ئاستێ دكتۆرایێ ب رژدی كار ل سەر هوشیاریا تاك و جڤاكێ ل سەر ماددەیێ هۆشبەر بهێتەكرن، هەروەسا راگەهاندن و مامۆستایێن ئایینی و رێكخراوێن جڤاكا سڤیل ب بەردەوامی بەحسێ زیانێن بكارئینانا ماددەی بكەن، هەتا كو خەلك پتر هەست ب مەترسیا وێ بكەت خۆ ژێ دوور بكەت.
گەلەك كەنالێن راگەهاندنێ ب دەهان بەرنامەیێن بێ مفا و رامان هەنە رەنگە بینەر و مفادارێن وان ب تبلێن دەستان بهێنە هژمارتن و دوورن ژ دابونەریت و پرسێن جڤاكی، گرنگە جهێ بەرنامەیێن بێ رامان رۆژانە ل ناڤ مالێن هەمووان بن دو بسپۆر و كەسێن شارەزا ل سەر مەترسیا ماددەیێن هۆشبەر پێزانینان بەلاڤ بكەن، دا زێدەتر جڤاك نەكەڤیتە بن مەترسیا بكارئینانێ و ژیانا كەسێ دی نەبیتە قوربانی.
هۆشبەری تیرۆرەكا بێدەنگە هەتا بكارهێنەری ژناڤ نەبەت دەنگ نینە، رەنگی دبەت و ژیان و ئارامیێ و خوەشیێ هەموویێ ژناڤ دبەت چ جوانیەكێ ناهێلیت و مەزنترین مەترسیە ل سەر جڤاكی، سەرەرای ڤێ چەندێ گرنگ و پێدڤیە خێزان پتر هەموو كەسان كار ل سەر ڤَێ چەندێ بكەت و چاڤدێریا ئەندامێن خێزانا خوە بكەت تایبەت، ئەگەر گومان لەسەر هەبوو بۆ وێ چەندێ هەر زوو رێگریێ لێ بكەن و ل مەترسیا وێ ئاگەهداربكەن، كو بكارئینانا ماددەیێ هۆشبەر دێ جوانیێ و ژیانێ و خۆشیێ هەموویان ب بێدەنگی دگەل خوە بەت.
بۆ رێگریكرن ژ تیرۆرا بێدەنگ بەلاڤكرنا هۆشیاریێ و نیشاندانا زیانێن وێ ماددەیێن هۆشبەرە باشترین رێك ژی ب نمرە ئێك كارێ راگەهاندنییە ب هەموو جۆرێن خۆڤە بۆ وێ چەندێ ب هەر رێیەكا بیت پەیاما ترسناكا ب كارئینانا وێ بگەهیتە هەمووان و چ كەس تووش نەبن ژبەركو تاكەكێ تووشبوو جڤاكەكێ دئێخیت ناڤ مەترسیا ماددەیێ هۆشبەر، گرنك و پێدڤیە راگەهاندن ب رۆلێ خوە رابیت و هۆشیاریێ ل ناڤ جڤاكی بەلاڤ بكەت و دگەل مەترسیا بكارئینانا ماددەیێن هۆشبەر.
