خەونا وێ ڤەكرنا بووتیكەكێ یە
هێلین سالم:
ئیڤان خەلیل، كچەكا خەلكا دهۆكێ یە، كارێ دیزاینكرن و نەخشاندنا جلكان دكەت، د دیدارەكێ دا بۆ رۆژنامەیا ئەڤرۆ دبێژیت: ئەز ژدایكا خوە فێری ڤی كاری بوویمە، لێ هێدی هێدی من كارێ خوە پێشڤەبر، دووڤدا من خویشكا خوە پێكڤە بڕیار دا كارێ خوە بەرفرەهتر لێ بكەین و ب رێكا ئۆنلاین بفرۆشین.
هەروەسا گۆت: ئەم جلكا ل دووف داخوزازیان چێدكەین كا وان چ مۆدێل و دیزاین دڤێن و دەمێ كارەكی ب دووماهی دئینم و كەیفا خودانا وێ بهێت، ل وی دەمی ئەز ژی كەیفخۆش دبم و شانازیێ ب كارێ خوە دبەم و هیڤیا مە ئەوە ئەم بوتیكەكا تایبەت ڤەكەین و كارێن خوە تێدا نیشا بدەین.
