وەرزشا كوردستانێ یا پێشدكەڤیت و من سەڕبۆرەكا سەركەڤتی هەیە
د دیدارەكێ دا ڕاهێنەرێ بەرنیاس یێ ئیراقی شاكر عەبد عەلی ڕاهێنەرێ یانەیا ئیتسالات یا بەغدایی د خولا پلا نایابا ئیراقێ دا كەیفخوەشیا خوە دیار كر ب پێشكەڤتنا وەرزشا كوردستانێ و دیاركر ئەوی سەربۆرەكا سەركەڤتی دگەل چەند یانەیێن كوردستانی هەبوویە و بەرهەڤە هەردەمەكی تاقیكرنا خوە نوو بكەتەڤە
زێدەتر ناڤهاتی بۆ رۆژنامەیا ئەڤرۆ گۆت: ب بوهانا وێ چەندێ وەكو ڕاهێنەرەك دخولێن كوردستانێ دا یا جوداهییەكا مەزن یا بەری چەندین سالان و ئەڤرۆ پەیدابوویە كو پێشكەڤتنەكا بخوەڤە دگرت و یانەیێن وەرزشی ل كوردستانێ زێدەتر گرنگیێ ب یارییا فوتبۆلێ ددەن ژبەر هەبوونا حەزەكا مەزن یا گەنجان، هەروەسان بەلگە ل سەر ڤێ یەكێ دنوكە دا هژمارەكا گەلەك باش ژ یاریزانێن كوردستانێ ل پارێزگەهێن دهۆك و هەولێر هاتینە دناڤ ڕێزێن یانەیێن بەغدایی و باشۆرێ ئیراقێ دا، هەبوونا چار یانەیێن كوردستانی د خول ستێرێن ئیراقێ ژی ئەگەرەكێ دییە، پێنەڤێت ئەڤە ژی ڕادگەهینت كو ب هەبوونا پشتەڤانییا حوكمەتا هەرێمێ و ڤیانا گەنجێ كوردستانی بۆ ڤێ یاریێ.
هەروەسان شاكر عەبد عەلی گۆت: ب خوەشحالی ڤە پێتشر ڕاهێنەر بوویە دگەل یانەیێن زاخۆ و ئاكرێ د خولێن ئیراقێ و كوردستانێ و سەربۆرەكا سەركەڤتی من یا هەیی و بەرهەڤم تاقیكرن و كاروانێ خوە نوو بكەمەڤە ژبەركو دزانم ئەو پێشكەڤتنا نوكە د وەرزشا كوردستانێ دا ل دووڤ پلان و هزرێن مەنە كو پێشئێخستن و ب هێزكرنا ئاستێ یاریزانان و تیمێ یە، هەرچەندە د نوكە دا دگەل كادرێ ڕاهێنەران ل یانەیا ئتسالاتم و ژبەر كارێ من یێ فەرمانبەریێ و نەبوونا موولەتێ نە شیام ژبلی ڤێ یانەیێ ئەركێ چو یانەیێن دی وەربگرم، لێ ئێدی ئەو شیان دێ هەبن و دنوكە ژی دا چەند یانە ل سەر هێلن بۆ پەیوەندیكرنێ، لێ بۆ من خوەشترە هەكە ل كوردستانێ كاربكەم وەكو حەزەك.
