بۆ من چو جهەك ژ گولخانەیا من جوانتر نینە
هیڤی كەریم:
مەدیاكار و گولفرۆش (بشرا عەمەر محەمەد) كو خەلكا پارێزگەها دهۆكێ و دەرچۆیا كولیژا زمانان/پشكا وەرگێڕانێ یە، د دیدارەكێ دا بۆ رۆژنامەیا ئەڤرۆ گۆت: من بەرنامەیەكێ بۆدگاست هەیە ئەز پێشكێش دكەم، هەروەسا من گولخانەیەك ژی هەیە، ژبەركو دژیەكێ بچووكدا من حەزژ گولان دكر، راستە وەك كار بۆ من یێ ب زەحمەت، لێ ب وێ زەحمەتێ خۆشیێ ژی وەردگرم و بۆ من چو جهەك ژ گولخانا من جوانتر و بێهنفرەهتر نینە و حەزدكەم پێشانگەهێن گولان ڤەكەم چنكو دهەر پێشانگەهەكێ ئەزموونەكێ ژێ وەردگرم.
هەروەسا گۆت: هەر رۆژەكا ئەز دچمە گولخانێ بۆ من خۆشیەكا دی زێدە دكەت و دلخۆشم نوكە پتر ژبەرێ كچ كاردكەن و پشت بەستنێ ل سەر خوە و كارێ خوە دكەن، هەروەسا ژلایێ دارایی ڤە دشێن هەتا رادەیەكی هاریكاریا خێزانا خوە ژی بكەن، ئانكو مە كچێن ب جەرگ و چاڤ نەترس و بەهرەمەند هەنە ئەو ژی دشێن د پشكداربن د ئاڤاكرنا ژیانێ دا.
