30 وێنەگر دێ پشكداریێ د فەستیڤالا دەڤەرا بەرواریان دا كەن
شاكر ئەتروشی:
ئاری جەلال، سەرۆكێ كومەلا وێنەگرێن كوردستانێ/لقێ دهۆك، د دیدارەكێ دا بۆ رۆژنامەیا ئەڤرۆ دیاركر، پشتی ل حەفتیا بۆری ئەو ل گەل بەرێز(فەهمی بالایی) بەرپرسێ راگەهاندنا فەستیڤالا دەڤەرا بەرواریان یا بەرهەمێن خۆمالی كۆمبووی بڕیار هاتیە دان د فەستیڤالا ئەڤ سالە دا پشكەكا دی ژی بهێتە ڤەكرن، ئەو ژی ڤەكرنا پێشانگەهەكا فۆتۆگرافی یە دناڤ فەستیڤالێ دا و ژ (25 بۆ 30) وێنەگران دێ پشكداربن و د هەیڤا (10) دێ فەستیڤال هێتە كرن.
ئاری گۆت: بەری نوكە مە بانگەوازەك ئاراستەی هەموو وێنەگران كریە كو هەر كەسەكێ حەزا پشكداریكرنێ دڤێ پێشانگەهێ دا هەبیت دشێت هەتا رۆژا پێنجی هەیڤا بهێت فۆتۆیێن خوە بۆ مە رەوانەكەت و هەر وێنەگرەك دشێت وێنەیەكی هەتا سێ وێنەیان فرێكەت و پشتی وێنە دگەهن دێ ژلایێ لژنەیەكا تایبەت كو ژكومەلا وێنەگران و لژنا سەرپەرشتیا وێ فەستیڤالێ هێنە هەلبژلرتن و ئەم دێ ب چاپكرنا وان رابین و هەر فۆتۆیەك دێ ب قەبارێ 50X70 بیت و بۆ زانین وێنەگر ژ هەرچار پارچەیێن كوردستانێ دشێن پشكدار ببنن و ناڤەرۆكا فۆتۆیان دێ ل مرۆڤ و كار و سروشتێ كوردستانێ و ژین و ژیارا گوندێن كوردان بن.
ل دووماهیێ گۆت: باشترە فۆتۆ ب كامیرێ بهێنە گرتن، نەك ب مۆبایلێ، چنكو هندەك جۆرێن مۆبایلان هەنە دەمێ تۆ وێنەیێن وان مەزن دكەی ئەو كوالیتیا باش نامینیت.
