هەر سترانەكا ژ دل بهێتە گۆتن دێ گەهیتە دلان
سۆلین سلێمان:
هونەرمەندا بەرنیاس (لەنجە عەلی) كو خەلكا پارێزگەها سلێمانیێ یە و دەمەكێ درێژە ل دەرڤەی وەلاتی دژیت، د دیدارەكێ دا بۆ رۆژنامەیا ئەڤرۆ گۆت: ئەڤە دەمەكێ درێژە ئەز سترانان دبێژم، لێ پتریا سترانێن من د فولكلۆری نە، چنكو گەلەك حەزژ فولكلۆرێ كوردی دكەم و هەر دەم ئەز دبێژم هەر سترانەكا ژدل بهێتە گۆتن دێ گەهیتە دلان.
هەروەسا گۆت: هەتا نوكە من شازدە ستران و دەه كلیپ تۆماركرینە، ئەز گەلەك گوهێ خوە ددەمە سترانێن هونەرمەندێن نەمر ژوانا (محەمەدێ ماملێ و عەلی مەردان) سترانێن وان بۆ من گەلەك دخۆشن، بۆ زانین من ستۆدیۆیەكا تایبەت هەیە و بەردەوام پرۆڤەیان لێ دكەم، هەروەسا وەك سترانێن نوو ژی من هەنە، لێ هێشتا دەلیڤەیا كلیپكرنێ نەهاتیە و بەری چەند هەیڤان دووماهی كلیپا من ب ناڤێ ( دكتۆر) هاتبوو بەلاڤكرن.
