دێ چالاكیێن فوتبۆلا كوردستانێ ب سپۆنسەر و شێوازەكێ جودا هێنە ئەنجامدان
رەمەزان زەكەریا
د داخۆیانیەكێ دا پەیڤدارێ فدراسیۆنا فۆتبولا كوردستانێ ئاشكراكر بۆ وەرزێ نوو یێ ئەڤسالە ژڤانێ نوو یێ هەموو چالاكییان هاتینە دەستنیشانكرن و دیسان بزاڤ دهێنە كرن ب سپۆنسەری بیت ژبۆ باشترین شێوە خول بڕێڤەبچیت.
زێدەتر ڕەوان حەمە سەعید بۆ رۆژنامەیا ئەڤرۆ گۆت: ل دوماهی كۆمبوونا فدراسیۆنێ ب پرانییا دەنگان بریار هاتیە دان چالاكیێن مە یێن وەرزێ 2025-2026 بڤی شێوەیی دەستپێكەن ئەوژی، ل رۆژا 22-10-2025 خولا نایابا كوردستانێ دێ برێڤە چیت ، هەروەسان 24-10-2025خولا لاوان بۆ یانەیێن نایابا كوردستانێ كو مەرجە پشكدار بن دێ برێڤە چیت،ل 15-11-2025خولا پلە ئێكا كوردستانێ دێ برێڤەچیت،ل 5-12-2025 خولا فۆتسالا ئافرەتان دێ برێڤەچیت،ل 9-3-2026 خولا پلە دویا كوردستانێ دێ برێڤەچیت ،یاریا سۆپەرا كوردستانێ ناڤبەرا یانەیا شێروانە و هندرین بەریا دەستپێكا وەرزی نوو رۆژا 17-10-2025 دێ برێڤەچیت ل ناڤ یاریگەها نێڤدەولەتییا یانەیا نەورۆز ل پارێزگەها سلێمانیێ .
هەروەسان گۆت: بڕیار هاتییەدان ئەڤ وەرزە جودا بیت ژ وەرزێن بۆری ژلایێ چالاكیێن وەرزشی ڤە، د بزاڤێن وێ چەندێ دایە كو ئەو ئاریشەیێن سالێن بۆری تووشی سەرپەرشتیارو دادڤان بووی ژلایێ ئابووری دوبارە نەبن و ب ئابووریەكێ باش ڤە خول دەستپێبكەن، ژلایێ حكومەتێ و سپۆنسەران ڤە ئەڤسالە دێ باشترین بزاڤ كەین كو چالاكیێن ڤی وەرزەی ب باشترین رەنگ برێڤە بچن ،سپۆنسەر ب زەحمەت دەبن دەستدكەڤن بۆ چالاكیێن وەرزشی.
ڕەوان حەمە سەعید گۆت ژی: ئەو هەلبژارتیا نوكە پشكدارە و برێڤە دچیت یا فوتبۆلا بچووكری سەر ب فدارسیۆنا فۆتبولا كوردستانێ نینە بەلكۆ ژلایێ رێڤەبەریا گشتی یا وەرزشا كوردستانێ ڤە هاتییە پێكئینان و ڕاهێنەران و كارگێری دانایە و دەستنشانكرنا یاریزانان ژی ئەو ب خوە دكەن .
