كەنالەكێ ئیراقێ: بڕیارا وەزارەتا كۆچ و كۆچبەرێن ئیراقێ گەفە ل سەر دیموگرافییا هندەك دەڤەران
ئاوارەیێن شنگالێ ژ ئەگەرێ كاریگەرییا گرۆپێن چەكدار ل وی باژێری، رەت دكەن بزڤرن جهێن خوە و كەنالێ (وەن نیوز) ژی د دەنگوباسەكیدا ئاماژە ب بزاڤێن وەزارەتا كۆچ و كۆچبەرێن ئیراقی دكەت د گوهۆڕینا دیموگرافییا دەڤەرێ.
ل دووڤ پێزانینان، وەزارەتا كۆچ و كۆچبەرێن ئیراقێ دخوازیت ب زۆری ئاوارەیان بزڤرینینە دەڤەرێن وان، بێی كو ئارامییێ بۆ دابین بكەت .
پێشتر ژی وەزارەتا ناڤخوە ل حوكمەتا هەرێما كوردستانێ راگەهاندبوو» د پێشهاتەكا نە دەستورویدا و دژی مافێن دەستپێكی یێن وەلاتییان، لژنەیا بلند یا د هاوارچوونێ ب سەرپەرشتییا وەزیرا كۆچ و كۆچبەران، دەست ب ئەنجامدانا گوهۆڕینا دیموگرافییا دەڤەرێن پێكهاتەیێن مەسیحی و ئێزدی كری، كو خەلكێ وان یێ رەسەن ب نەچاری ل كەمپان دژین».
بۆ دەمێ 10 سالایە ئاوارەیێن شنگالێ د كەمپێن هەرێما كوردستانێدا دژین، هەتا نوكە 18 كەمپێن تایبەت ب ئاوارەیان ل هەرێما كوردستانێ یێن هەین و زێدەتر ژ 600 هزار ئاوارە نەشیاینە بزڤرنە جهێن خوە و چاڤەڕێی رەوشەكا ئارام دكەن بۆ وێ چەندێ ب سەلامەتی و سەربلندی بزڤرن جهێن خوە.
