پشكدارییا باسكێت بۆلا گارە ئێكلانەبوویە
شاهۆ فەرید:
ژێدەرەكێ رۆژنامەڤانی یێ نێزیك ژ یانەیا گارە تایبەت بۆ رۆژنامەیا ئەڤرۆ دیاركر: تیما مەیا باسكێت بولێ دەست بەرهەڤیێن خوە كریە بۆ خولا پلە دو یا ئیراقێ، یەكەیێن راهێنان هاتینە ئەنجامدان و كۆمڤەكرنا یاریزانان مە كریە، بەلێ هەتا نوكە پشكداریا تیمێ ئێكلانەبوویە رۆژیێن بهێن دێ بڕیارا دوماهیێ لسەردەین، ئەوا ل وەرزێ بۆری ژی ژبەر ئەگەرێن نە پشتەڤانییا دارایی نەشیان پشكداربن سەرباری سێ مەهێن خوە بەرهەڤكرنێ.
ژێدەری گۆت ژی: ئەگەرێ سەرەكی ڤەدگەیت بۆ ئاریشە و كاودانێن دارایی یانە كەفیتەتێدا، نەببونا پالپشتیێ و هاریكاریێ دێ یاب زەحمەتبیت بشێن پشكداریێ بكەین، پار سال ژی مە بەرهەڤیێن خوە باشی ئەنجامدان و هەتا چەند رۆژەكێن كێم بەری دەستپێكرنا خولا كوردستانێ مە بخوە دەلیڤەدیت ببیتە بەرهەڤی بۆ یا ئیراقێ، بەلێ مخابنی ڤە ئەم نەشیاین پشكداربین مە خوە ڤەكێشا و تیمامە هاتە هەلوەشاندن، بۆ ئەڤ سالەژی ئەم چاڤەریێنە كادێ چ روویدەن دێ پشكداربین یان نە.
بۆ زانین پشتی خوەڤەكێشانا یانەیا دهۆك د خولا نایابا ئیراقێ دا ل وەرزێ 2015- 2016ێ بتنێ یانەیا زاخۆ وەكو نوونەرا پارێزگەهێ و ئیدارا سەربەخوەیا زاخۆ دناڤ خولێ دایە، یانەیا گارە ئێك ژ ئەوان یانەیانە كو ب كوڕێن باژێرێ خوە و سەرپەرشتییا ڕاهێنەر خەتاب عومەر و هاریكارێ وی رەمەزان یونس د نوكە دا بەردەوامن ل سەر ڕاهێنانان خوە و چاڤەڕێ پشتەڤانیێ نە ژبۆ پشكداریێ.
