رۆلێ ئافرەتا كورد د شۆڕەشێن كوردستانێ دا ژ رۆلێ پێشمەرگەی كێمتر نەبوو
سالار محەمەد دۆسكی:
1-2
حكمەت مەلا عەزۆ ئاكرەیی، بەحسێ چەند لاپەرێن ژیانا خوە دكەت ل سەر دەمێ حزبا بەعس یا هەڕفتی بۆ رۆژنامەیا ئەڤرۆ دكەت وگۆت: نێزیكی 10 قوتابی بوون ب مەرەما چوونا سەیرانێ ول دەمێ زڤرینێ ئەم نێزیكی 10 كەسان بووین ل گەل شوفێرێ مە و ئەم ب سەركەفتین نێزیكی مالا مەحمود ئاغای و هندەك كەسان ئەم راوستاندین و ئەم برینە بنگەهێ پولیسان، و گۆتن هەوە بۆچی هیتافات داینە مە گۆتێ مە نەداینە گۆتن مە گوهلێ بوو، و هەوە هیتافات و ناڤێ مەلا مستەفا بارزانی دگۆت، ئەم وی دەمی گەنج بووین و خوین گەرم بووین و كوردینی گەلەك یا شرین بوو .
حكمەت مەلا عەزۆ زێدەتر ژی گۆت: ل سالا 1962 ئەم هاتینە دەستەسەركرن ل قەزا ئاكرێ، ئێكسەر ئەم هاتینە ڕەوانەكرن بۆ بنگەهێ پۆلیسان، دوڤدا ئێك ئێكە برینە فەرمانگەها ئەمنا ئاكرێ و دوفچوون و زانیاری ژ مە دهاتنە وەرگرتن و ئەم 29 رۆژا ماینە ل زیندانا ئاكرێ دا، وی دەمی هندی (عەونیێ مستەفای) هاتی و بەرەڤانی ژ مەكر بەلێ چ مفایێ خوە نەبوو و عونی و خەلكێ ئاكرێ نە هێلا مە ڤەگوهێزنە باژێرێ مویسل، و گۆتنێ ئەڤە كورێن مەنە و گەنجن، و رۆژا دوڤدا هێشتا ل تاری و بانگێ سپێدێ نە دا بوو و ئێكسەر هاتن و گۆت زیكا نڤینێن خوە حازر بكەن و ئێكسەر مە بەردا گریێ و ئەم هەمی هاڤێتنیە د ترۆمبێلەكا بارهەلگر دا، ئانكو لووری وی دەمی وەرزێ بوهارێ بوو گەلەك سەرما بوو، و ئەم رونشتینە خوارێ و ئەم هەتا لایێ بەردەرش چووین ل وێرێ ترۆمبێلەكا دی هات و ئەوا پۆلیسان ل گەل ئەوێن ترۆمبێلێ دا ئاخفتن و گۆتێ ئەڤە كینە گۆتێ جەماعەتێن (مەلا مستەفا بارزانی)ی نە، و ئەوێ ترۆمبێلا دی كو خەلكێ مویسل بوو و نەتەوە عەرەب بوو، گۆتێ ئەڤا ئێك ئێكە ژ ترۆمبێلێ ب هاڤێژنە دەرێ ئەزدێ ئێك ئێكە ترۆمبێلێ سەر كەلەخێ وارا ئینم دا ب كوژم، و ئەو ئەفسەر و پۆلیسێن ل گەل مە ئێك ژ وان گۆتێ هندەك مرۆڤێن باش ل گەل دا هەنە و ب هێلە دێ ڤەگوهێز مە باژێرێ مویسل، و دەمێ ئەم گەهاندینە زیندانا مویسل ئێك ئێكە ناڤێ مە هاتە خواندن، و گەل ناڤێ مە دهاتە خواندن ئێكسەر قوتان و ئاخفتنێن نەخوش دگۆتنە مە و دەمێ ئەم هاڤێتی نە دناڤ ژوورێن زیندانا مویسل دا، مە دیت ئەو زیندان یا تژی كوردە و هەتا 2000 هزار كوردان تێدا هەبوون و ژ هەمی دەڤەرێن كوردستانێ خەلكێ كوردستانێ بوون.
حكمەت مەلا عەزۆی هەروسا گۆت: دەمێ ئەم گەهاندینە زیندانێ ئەحمەد ئاغایێ گولان بەرپرسێ زیندانێ بوو، و گازی مە كر و شیرەت ل مە كرن و گۆت كورێ من هشیاربن ئاخفتنێن خوە بۆ كەسەكێ ل ژوورێن زیندانێ نە بێژن، چونكە ئەم و هەوالگێریا حوكمەتێ دناڤ هەوە دا هەنە و دێ هوون توشی گەلەك ئاریشا بن، و جه نەبوو و ئەم هندەك برینە جهەكێ دی، مستەفا مفتی و شەعبان و ئێكێ دی ل گەل مە بوونو ئەم برینە ژوورا ئێزدیان و ئەوا ژی نەهێ لا و گۆت مە نەڤێت هوون بهێنە ل گەل مەدا وی دەمی زیندانا یا تژی ئێزدی بوو و ئەم نەچار بووین جهێن خوە بدانین و ئەم رازاین و ئەم سالەكێ هاتینە زیندانكر و پشتی بورینا 10 هەیڤان ژ زیندانكرنێ رۆژەكێ رێڤەبەرێ ئەمنێ ئەم ئاگەهداركرین كو دێ سوبە هێینە ڕەوانەكرن بۆ بەغدا ب مەرەما دادگەهكرن و دەمێ ئەم ل شەمەندەفرێ سوار بووین ئێكسەر چووینە باژێرێ بەغدا، دوڤدا ئەم هاتینە ڕەوانەكرن بۆ زیندانا ئەبو غورێب و پشتی ئەم هاتینە خوارێ ئەم هاتینە ئاگەهداركرن، كو دێ سوبە دادگەهكرنا مە بیت ل دادگەها عوتی یە یا ئێكێ و هەمان دەم مرۆڤێن مە ب مەرەما بەرەڤانیكرنا ژ مە بوو مە پارێزەك بناڤێ جەمیل گرت ، و دەمێ ئەم چووینە دادگەهێ وئەم كرینە قەفەسێ دا و پارێزرەێ مە بەرەڤانی ژ مەكر، و گۆتێ ئەڤە گەنج و تولازن و بچوویكن و پێدڤی یە دلوڤانی پێ بهێتە برن و هەر دەم حوكمەت دلوڤانیێ ب گەنجان دبەت، و دێ گەلەك باش بیت ئەگەر هوون دلوڤانیێ پێ ب بەن، دوڤدا دادوەری بریارخوە دا و گۆت ئەڤە هاتنە زیندانكرن بۆ ماوێ 10 سالان، و دوڤدا هەر هەمان دەم دادوەری كرە كەنی و گۆت بۆ ماوێ 10 هەیڤان هاتنە زیندانكرن، و دوڤدا كەیفا مە هات و مە هیتافات دان و بژیت دادگەه بژیت دادگەه و ئەم ژ بەغدا ئیناینە باژێرێ مویسل، و گۆت هەوە گەلەك هیتافاتێن داین و ئەم چەند هەیڤێن دی ماینە زیندانێ دا دووبارە و هەتا بوویە سالەك، و دەمێ ئەم زڤرینە باژێرێ ئاكرێ وی دەمی كوداتا سالا 1963 ل ئیراقێ دورست بوو، و پشتی ماوەكی مرۆڤێن مە بەرەڤانی ژ مەكر، دوڤدا ئەم هاتینە ئازادكرن و ئەم چووینە مال و دایك و بابێ من هاتنە بەراهی یا من و گەلەك كەیفا وان هات، دوڤدا من پەیوەندی ب شۆڕشێ كر ل گەل حجی میرخان، دوڤدا هاتمە ئاكرێ و كر مە عەسكەر و هاتمە ڤەگوهاستن بۆ نەخوشخانا لەشكری ل ئاكرێ، و دەمێ چوویم (سید مستەفا و سەید مومن) خودێ ژێ رازی بیت و ئەو نەخوشیین من دیتین ئەوا دزانین و پەیوەندی ب من كر و گۆت حكمەت وەرە ناڤ رێكخستنێن پارتی دیموكراتی كوردستان دا، و رێكخستنا مە ب شێوەكێ نهێنی یە و من بریاردا بچمە ناڤ رێكخستنێن پارتی دیموكراتی كوردستان دا و ناڤێ رێكخراوا مە ژیان بوو.
