ئەز نهچار بووم ژنبرایا خۆ مههر بكهم
ههرهین محهمهد:
زهلامهكێ 29 سالی سەرهاتیا خۆ بۆ رۆژنامەیا ئەڤرۆ ڤەگەڕاند و گۆت: من ههموو قوناغێن خواندنا قوتابخانێ ل گهل كوڕان دهرباز كرن، پشتی چوویمه زانکۆیێ من سهقایهكێ جیاواز دیت، كچ و كور د تێكهل بوون، دەمێ ئەز ل قوناغا ئێكێ رۆژهكێ ل دهمێ بێهنڤهدانێ چاڤێ من ب كچهكێ كهفت، ب دیتنا دهستپێكێ گهلهك سهرنجا من ڕاكێشا، پشتی گهلهك جاران من سهحكریێ ئهوێ گومان ژ من برن كو من تشتهك دڤێت، بهلێ ئهوێ هەر چو گرنگی ب من نهدا، ب رێیا ههڤالهكا وێ ئەز شیام ب تێلەفونێ ل گهل بئاخڤم، ههتا كو گههشتیه ئهوی رادهی پهیوهندیا من و وێ بهێز كهفت و رۆژانه ل بهێنڤهدانان ل زانکۆیێ مه ئێكودوو دیت، لێ دهمێ زانکو ب دووماهیك دهات كێم جاران من و وێ ئێكودوو ددیت، بهلێ ب نامهیان و تێلهفونێ بەردەوام مە هایژ ئێکدوو هەبۆ، ب ڤی رهنگی مه قوناغا ئێكێ دهرباز كر، قوناغا دووێ ژی ب ههمان شێوه و خۆشتر دهرباز بوو مه حهزژێكرنا خۆ بۆ ئێكودوو دیار كر و سوز دا ئیكودوو ههڤژینیێ پێك بینین، و مه خێزانێن خوه ئاگههدار كرن ل سهر پهیوهندیا خوه.
ئەڤی زەلامی د بەردەوامیا ئاخفتنێن خۆدا گۆت؛ بهلێ ژبهركو برایێ من تووشی نهخوشیا پهنجهشێرێ بوو خێزانا مە گهلهك ب ئهویڤه مژیل بوون و د ههمان دهمدا دو زارۆک هەبون و ههڤژینا وی یا ب دووگیان بوو، دایكا من گوته من بێهنا خوه فرههـ بكه ههتا چارهسهریا برایێ ته بهێته كرن دێ بۆ تە ئهوێ كچێ خوازین، من ژی ئهو چهنده گوته ههڤالا خوه، چونكە ئهوێ ژی خێزانا خوه ئاگههدار كربوو ل سهر پهیوهندیا مه یا حهزژێكرنێ و من گۆتبو وێ دێ ڤان رۆژا هێین ته خوازین، لێ ئهم گهلهك ب برایێ منڤە د مژیل بووین، بهلێ رۆژ بۆ رۆژێ ساخلهمیا وی خرابتر بوو پاشی وهغهر كر، پشتی تازیا برایێ من ب دووماهیك هاتی، چوومه كولیژێ و پەیوەندیا من و هەڤالا من ژی ههر یا بهردهوام بوو، پشتی دوو هەیڤان ژ وەفاتا برایێ من ههڤژینا وی ژی زارۆیەك پەیدا بوو، هاتنا وی زارۆكی خهمێن مه سڤك كرن و ژنبرایا من ژی پێڤه مژیلبوو ههتا رادهكی برایێ من جار جارا ژبیر دكر.
زەلامێ 29 سالی د بەردەوامیا ئاخفتنێن خۆدا گۆت؛ رۆژهكێ بابێ من ئەز گازی كرم و ئەم پێکڤە روینشتین و گۆتە من، ژنبرایا تە ل تهمهنێ تهیه و من نهڤێت ژ مالا مه دهركهڤیت و حهز دكهم تو مەهر بكهی، دهمێ وهگوتی بۆ من گهلهك نهخۆش بوو، ئێكسهر من نهرازیبوونا خوه دیاركر، بهلێ ئهو گەلەک بۆ من ئاخفت هەتا باوەری بۆ من چێکری و گوت؛ دڤێت تو بیه باب بۆ برازایێت خوه و ئهز ژ نەچاری رازی بووم، بابێ من بهری هینگێ ژنبرایا من رازی كربوو، بابێ من گۆت دێ لته مەهر كهین و ئێكسهر ژمە جودا ببن دا ژیانا ههوه خوشتر بیت، پشتی من ژنبرایا خۆ مەهر کری ئەم جودا بۆین..
زێدەتر گۆت؛ ئەز دگهل ههڤالا خوه یا كولیژێ ئاخفتم من بابەت بۆ رون کر، بەلێ ئەو گهلهك عاجز بوو كره گری و گوت؛ ئهڤه سێ ساله ئەز بتهڤه هاتیمه گرێدان و ته خیانهت ل من كر، من داوا گەردەن ئازاکرنێ لێکر، ئێدی رویێ من نەگرت ئەس وێ ببینم، هەر ژبەر وێ داكو چاڤێن مه ب ئێک نەکەڤن، من كولیژه ل قوناغا سیێ راوستاند.
هەروەسا گۆت؛ ههیڤهكێ پتر ئەز ب شهڤ درهنگ دهاتمه مال داكو نهچمه د ئهوێ ژورێ ڤه یا ههڤژینا من تێڤه دنڤیت.. شهڤهكێ هەڤژینا من تێلهفونا من كر و گۆته من وهره مال ئێدی بەس من پشتگوهـ بهاڤێژە ئهز حهلالا تهمه و ههڤژینا تهمه دهرگههێ ژورا من بۆ ته یێ ڤهكریه و پشتی گۆتنا وێ ئهز ئێدی زوی دچوومه مال، نوكه ئەم هەڤژینین و ئەس پتر ژ روحا حهزژێ دكهم، بهلێ حهزژێكرنا من یا ئێكی چو جاران ژبیرا من ناچیت و ئەز هەست ب گونەهێ دکەم.
