نیازا منه ههر حهفتیێ سترانهكێ بهلاڤ بكهم
ههرهین محهمهد:
سترانبێژ سالح عهبدولواحد، د دیدارهكێ دا بۆ بهرپهرێ هونهری یێ رۆژنامهیا ئهڤرۆ گۆت: بهری ههیامهكێ من پازده ستران تۆماركرینه و بتنی من دوو بهلاڤكرینه و دیسان من دوو ژوان ژی كلیپكرینه و ئێك ژوان سترانا هونەرمەندێ خودێ ژێ رازی عهبدولواحدی (برێسه تهڤنێ ئهڤینێ) و (ههمی عهمرێ خوە) كلیپكرینه كو ژپهیڤ و ئاوازێن یوسڤ رهمهزان بووینه، من سترانا عهبدولواحدی (تودوری و ئهزب تهنێ) من تۆماركریه و دبهرنامێ من دایه بۆ سهرێ سالێ بهلاڤكهم و دیسان من سترانهكا سیاسی ژی تۆماركریه من ب ههر چار پارچێن كوردستانێ گۆتیه و د بهرنامێ من دایه ئهڤێ سترانێ كلپكهم و دووڤ دا بهلاڤ بكهم و كیژ ژڤان سترانان من كلیپ كر دێ كهمه ریكلاما ئهلبووما خوە و نیازا منه ههر حهفتیێ سترانهكێ ل یوتوبی بهلاڤ بكهم.
ناڤهاتی ئهو چهندهژی گۆت: ههر بهرههمهكی ئهز چێكهم یا مسوگهره دێ ههر سترانهكا عهبدولواحدی ل گهل بیت و دهمێ نوی دكهم ژی وهكو بهلاڤكرنا سترانا وی دهستێ خوه ناكهمێ بتنێ مۆزیكهكا نوی بۆ دانم نووكرنا سترانێت وی گهلهك یا ب زهحمهته ههچهكو مرۆڤ سترانهكێ ژنوی چێدكهت و دڤێت مرۆڤ ب كوالتیهكا باشتر چێكهت و ب ئهڤی تشتی ژی گوهدارو بینهر گهلهك حهز ژێ دكهن و دهمێ سترانێ نوی دكهم گهلهك كارتێكرنێ ل من دكهن ڤێجا كا چاوا كارتێكرنێ ل بینهران ناكهن و بینهرێ وی ههر یێ مای و رۆژ بۆ رۆژێ زێدهتر لێ دهێت.
سالحی ئاشكرا كر ژی كو ل سالا 1995 بهرههمهكێ عهبدولواحدی بهلاڤبوویه و ههموو خهلكی گوهـ لێبوویه و ب شێوهكه وهسا تۆماركریه ل ستودیویێ بتنێ ب تومبلك و كهمان و عود ل گهل دژهنن و چار ستران ژ ئهوێ ئهلبوومێ بهلاڤ نهبووینه و سترانهكا وێ ل سهر گولێ دبێژیت گهلهكا خوەش و بهێزه و من لبهره سترانهكا وی كو وی ب دهنگێ خوه گۆت بیت ل گهل دهنگێ خوه مێكس بكهم.
