ل سەرهلدانا باژێڕێ ئاكرێ، پێشمەرگە هەلگرێن پەیامـا ئاشتیێ بوون
سالار محەمەد دۆسكی:
4-7
وەرەن ئەم شەڕی ناكەین و دكتۆر سەباح گۆتێ كی بەرپرسێ هەوە یە؟ ئەوی گۆتێ فلان كەسە، دكتۆر سەباحی گۆتێ بێژێ دكتۆر سباح ئاكرەیی یە ل ڤێرێ ئەو ژی قاسدی پەیاما مە گەهاندە ئەوێ هێزا لەشكری و د دووڤ دا ئەوا فەرماندەیێن لەشكری هەمی بەرەف مە ڤە هاتن و بەختێ بارزانی داخازكرن و سلاڤی دكتۆر سەباحی كرن و دەركەفتن هەڤالێن وی ل كولیژێ و گۆتن ئەم برایێن ئێكین و ئەم شەڕی ناكەین و دكتۆر سەباحی گۆتی مە فەرمان هەیە و دڤێت رێكا مە بهێتە ڤەكرن و رێكێ ڤەكەن مە چ ل گەل هەوە نینە و ئێكسەر ئەو پێشمەرگێن هاتینە دەستەسەركرن هەمی هاتنە ئازادكرن و رێكا مە هاتەڤەكرن و ئەگەر دكتور سەباح نەبا ئەو رێك چ جاران نەدهاتەڤەكرن و مە بارەگایێن خوە دانان و ئەم بەرەف باژێڕێ دهۆكێ چووین و وی دەمی خەلكێ دهۆكێ هەمی كەیف خۆش بوون و نە ئەو دهۆك بوو یا پێشتر دهاتە دیتن و دیفچوون و ئەمن و زولم و زورداری ل سەر خەلكێ مە هەی بەلكو دهۆكەكا دی دهاتە دیتن و خەلكێ كەیف خۆش بوو و دەنگێ شڤان پەروەری ل باژێری یێ بلند بوو و خەلكێ ئازادكری بوو و گەلەك كە یفا خەلكی یا خوش بوو و مرۆڤی هەست پێ دكر كو ئازادی و ئارامی ل دەڤەرێ بەر قەراربوویە و زولم و ستەم نەمایە و خەلك ب ئازادانە هاتن و چوون دكر و هەمی ب جل و بەرگین كوردی و دەرسوكێن سور ل سەری بوون و بهێنا ئازادی مە هەلكێشا و تامەكا تایبەت هەبوو و مرۆڤی دزانی دهۆك نە ئەو دهۆكە یا پێشتر دهاتە دیتن و بەعسیان كربوو جەهنەم بەلكو گەلەك ب سەر بلندی دهاتە دیتن ئەوا رۆژێن سەرهلدانێ و خەلك هاتنە بەراهی یا مە زانین ئەم ژ ئاكرێ دهێن و رزەكا مەزن ل دكتور سەباح و مە هەمی پێشمەرگێن ل گەل دا گرت و خەلكی كەیف هات كو رێكا دهۆك ئاكرێ هاتە ڤەكرن دا هاتن و چوون دناڤبەرا خەلكی دا دروست بوو چونكە گەلەكا چ ژ مرۆڤێن خوە نەزانی و دڤیابا ئەو رێك هاتبا ڤەكرن و خەلكی گەلەك كەیف ب ئەڤێ چەندێ هات و دڤێت ئەڤە بۆ مێژوو بهێتە گۆتن و دیارن و نەهێتە ژبیركرن و ئێدی خەلكێ مە ئاگەهـ ژ دەنگو باسێن مرۆڤێن خوە و كەس و كارێن خوە بوو ل ئاكرێ و هەمان دەم خەلكێ ئاكرێ ژی ل دهۆكێ و هاتن و چوون ب سەلامەتی دروست بووو تشتەكێ ب ساناهی نەبوو ئەڤ كارە هاتیەكرن و ب كێمترین زیان و ب كێمترین دەم ئەف كارێ مەزن بهێتەكرن.
هەمان پێشمەرگەیێ شۆرەشا گۆلانێ ئەو ژی گۆت: دكتۆر سەباح گەلەك قەربانی دا سەخمراتی ڤێ دوزێ و هەتا نوكە مولكێ وی گەلەك ل باژێرێ هەولێرێ یە و د دەستێ هێزێن ئێكەتی نشتیمانی كوردستان دایە و ئەو مولك هەر هەمی ب ئەرزانی فرۆت و ئەو پارە هەر هەمی دا هێزێن پێشمەرگێ كوردستانێ و ئەو مولك گەلەك بوو و باوەر بكە ئەو مولك نوكە دلێ هەولێرێ یە و ناهێتە كرین و ئەوی ئەو مولك هەمی گوری هێزێن پێشمەرگەی كرن وەك زارۆكێن خوە سەحكرە پێشمەرگەی و ئەڤە كر سەخمراتی دۆزا رەویا مللەتێ كورد و خەلكێ دەڤەرێ بگشتی شاهدن ل سەر ئەڤان روودانێن سالێن نوتان دروست بووین ل دەڤەرێ و پێدڤی یە ئەڤە بهێنە گۆتن و نەهێنە ژبیركرن بۆ مێژوو و مرۆڤێن خزمەتا مللەت و دوزا خوە كرین نەهێنە ژبیركرن، دێ بۆ مێژوو بێژم هەر باژێرڤانی ل ئاكرێ نەمابوو و دكتور سەباح و شەهید شیمال باژێرێ ئاكرێ پاقژدكر و تەرەكتورەك گرت و پارەدانێ و ل كولانێن ئاكرێ دگەریا و باژێرێ ئاكرێ پاقژدكر و نەهێلا گلێش بكەڤیتە سەر ێك و باژێر پیس بمینت و هوسا چاڤدان ل باژێری دكر هەر هزر دكر مالا وی یە و ئەڤە ناهێتە ژبیركرن و خەلك هەمی شاهدن و خەلكێ ب چاڤێن خوە ئەف روودانە دیتین یێ ساخە وی دەمی ئەوا خوە مەزن نەدكر و ب چاڤەكێ مەزن نەدهاتنە دیتن بەلكو بەرپرس و پێشمەرگێ ژ هەمیان كێمتر ژێك نەدهاتنە جوداكرن بەلكو وەكی ئێك بوون و هە ئێكی ل جهێ خوە خزمەتا مللەتێ خوە و باژێرێ خوە دكر و بەرۆڤاژی نوكە بەرپرس چ نەكرین و هەرە سەرەدانا بارەگا بكە باوەر بكە تو دو پێشمەرگێن ب دورستی خەبات و خزمەت كرین تو نابینی و بتنێ دێ ئەوا كەسا بینی ئەوێن چنەكرین و هندەك مرۆڤێن هاتینە سەر سفرا حازر و ئەگەر پرسیار ژێ كەی و بێژیێ تو كورێ كێی ناڤێ بابێ خوە نابی یت چونكە بابێ وی ب تڤەنگێ هاتیە بەرامبەر پێشمەرگەی و مرۆڤێن ئازادی خواست و نوكە ژی كورێ وی بوویە مرۆڤەكێ هوسا مەزن و كەسەك نەشێـت ل گەل باخڤیت.
