قوتابخانەیا برایەتی وەك قوتابخانەیەكا كوردایەتی دهاتە دیتن
سالار محەمەد دۆسكی:
6-8
بەرێزان (شێخ عەلی) فەرماندێ فەرماندەیا دهۆک و کاک (سەربەست سندوری) بەرپرسێ لقا هەشت، هەر ژ دەستپێکا شەرێ داعش پشکداربوون ل محوەرێ روژئاڤایێ دیجلە هەتا کو رزگارکرنا شنگالێ، گەیارە حوێجە و حەمرین ئەڤە هەمی دڤیابا بەری مویسل هاتبانە ئازادكرن و پلانا مویسل دانا و شاندەكێ لەشكرێ ئیراقێ هاتە هەرێما كوردستانێ و ل دەڤ جەنابێ سەرۆك مەسعود بارزانی و گۆت دێ هه ماهەنگیێ لگەل هێزێن پێشمەرگەی كەین و پلانا ڕزگاركرنا مویسل مەدانایە و جەنابێ سەرۆكی بەرهەڤی یا پێشمەرگەی دیاركر بۆ هاریكاریێ و ئەوا گۆت مە پلانا خوە دانایە ئەم دێ چینە ناڤ باژێری و بەرنامە هاتەدانان ل رۆژهەلات و باكورێ مویسل هێلا ئێكێ هێزێن پێشمەرگەی بن و هەتا دەردورێ، مویسل و پتریا ئەوا دەڤەرا كوردنشینن و ب دەشتا نەینەوا یا ناڤدارە وەك بەرتلە و باشیك و گوندێن دەڤەرێ و داخاز ژ سەرۆكی كر كو دوو دەڤەر بۆ بهێنە دەست نیشانكرن بۆ كومكرنا هێزێن خوەیێن لەشكری (مناطق التحشد)كو بەری هێرشێ لێ بدانن و هەر دو دەڤەرێن مەمخور و جهەك ل نێزیكی بەنداڤا مویسل بۆ هاتنە دەست نیشانكرن و هەڤكاری هاتەكرن و ئەو بوو ل 17/10/2016 گوندێن شەبەك و كاكەیی و دەردورێن مویسل هەمی ژ ئالیێ پێشمەرگەی ڤە هاتنە رزگاركرن و ب ئەڤێ كریارێ پشتا وا هاتە رزگاركرن و ئەو دەست ب كونترۆلكرنا بەرتلە كر و پشتا وا یا ئێمن بوو و دەمێ هێزا پێشیێ دهێتە شكاندن ئەڤ هێزێن دی ژی مورال نامینت و كارێ ب زحمەت ل سەر دەستێ پێشمەرگەی ب دووماهی هات 21/10 مە پلان دانا هەر ژ رۆژهەلاتێ بەنداڤا مویسل و دەڤەرێن فلفێلی ل گەل باتنایێ و هەمی دەڤەرا و ل گەل باشیكێ هێزێن پێشمەرگەی دەست ب لڤینان بكەن و ئالیێ باكورێ مویسل ژی دەست پێ بكەت مێژوویا من دیاركری هەتا 27/10 بەعشیق و ل گەل دەشتا مویسل و ب تەمامی هەمی هاتنە رزگاركرن ژلایێ پێشمەرگەی ڤە و ئەڤە بۆ رێكخوشكەر كو محوەرێ هێزێن ئیراقی ژ ئەڤی ئالی ژی ڤەلڤینان بكەت و پشتەك بۆ دروست بوو و هەتا باژێرێ مویسل هاتیە ڕزگاركرن و راگەهاندنا ئازادكرنا باژێرێ مویسل هاتیەدان و سێ هەیڤ دەربازبوون هەتا باژێرێ مویسل هاتیە ڕزگاركرن و دەمێ راگەهاندنا ئازادكرنا باژێری دایی ئەم ژی هاتینە داخازكرن وەك نوونەرێن هێزێن پێشمەرگەی پشكداربین و ئەز كاك عتو زێباری چوین و سەركردایەتیێ گۆت هوون ژی بەشداربن ل ئاهەنگا راگەهاندنا رزگاركرنا باژێرێ مویسل حەیدەر عەبادی سەرۆك وەزیرێن ئیراقێ یێ وی سەردەمی پشكدار ب بوو و ناف سوپاسیا هەمی هێزا ل ئیراقێ كر ئەوێن پشكدار و ناڤێ پێشمەرگەی نەئینا و هەر ل وێرێ من گۆتە سەرۆك وەزیرێن ئیراقێ تەناڤێ پێشمەرگەی نەئینا گۆت نە مانێ من بەحسێ هێزێن ئیراقێ كرو پێشمەرگە پشككە ژ هێزێن ئیراقی و دەمێ چووین دا ئالایی بلندكەن ئەز نەچووم و من گۆتە سەرۆك ئەركانێ هێزێن ئیراقێ ژی ل وێرێ بوو من گۆتێ هەوە نافێ پێشمەرگەی نەگۆت و محرج بوو و دەمێ ب دووماهی هاتی رێورەسم ئەم ژی زڤرینە ڤە، دووڤدا دەست ب پلانا خوە یا ئازادكرنا حوێجە و باشورێ كەركووكێ كر بوو سالا 2017 پشتی هێزێن ئیراقێ ئامادەکاریێن خوە کرین ئێدی گۆت دێ دەست ب ئازاكرنا ئەڤان دەڤەران كەین و بەرێ هێزێن خوە هەمی دا دەڤەرێ و ئەڤجا رێكخەری ل گەل لایەنەكێ كوردی كر و ب بهانا دەڤەرا بەشیر و ل گەل لایەنێ كوردی چوونە وێ ناحیێ یا كوپتری یا خەلكێ توركمان لێ ژ دەستێ داعش رزگاركر و دەڤەرا خورماتور ئەڤی ئالیێ كوردی هاریكاری بۆ كر ل وێ دەڤەرێ ژی هێزەكا خوە دانا و لیوایەكا وان دناڤ كەركووكێ ژی دا هەبوو بەری وی دەمی و هەمی هێزێن مە ل باشورێ كەركووكێ هاتبوونە بەلاڤەكرن لایێ رۆژهەلاتی ڤە یەكێن هێزا حەفتێ بوون و لیوایێن هەفپشك ژی ل گەل دا هەبووینە و كەركووكێ هێزێن محوەرێ پێنچ روژئاڤایێ کەرکوکێ تێدا بوون و كاك (كەمال كەركووكی) سەرپەرشتی ل سەردكر و ل رۆژێن 14- 15- 16 هێزێن ئیراقی دەست ب لڤینێن خوە كر وی دەمی ئەز و كاك (سەربەست لەزگین و عزیز وەیس) هێزەك ژی ل گەل مە دابوو ل گەل كاك (كەمال كەركووكی) مە سەرەدانا سەنگەران كر و شەڤا 15- 16 و بەرێ سپێدێ دەست ب هێرشێ هاتەكرن.
ئەو شاندێ وی ئالیێ كوردی یێ چوویە دانوستاندنا ل گەل هێزێن ئیراقێ و حەشدا شەعبی ئەو هێزا سەر ب (كوسرەتی)ڤە ئاگەهدارنەكربوو چونكە ئەوێ هێزێ چەند شەهیددان و شەركر و لیوایێن هەوبەش ژی شەر كر و دیسا چەند شەهید هەبوون، دەمژمێر چارێ شەڤێ بوو كاك (كەمال كەركووكی) گۆت بچین سەرەدانا باژێرێ كەركووكێ بكەین و ئەم چووینە مەكتەبا سیاسی یا ئێكەتیێ و كاك (كوسرەت و فرەیدون عبدالقادر وئاسو مامەند) ژی ل وێرێ بوو كاك (كەمال كەركووكی) پرسیارا (شێخ جەعفەر) وان کر ئەوا گۆتن یێ ل كەیوان و ئەم چووینە كەیوان و مە خواست ئەم مەوقفی بزانین كا زیانێن مە ل سەنگەرا چەندن ئەوا گۆت پاشی دێ بۆ هەوە فرێكەین و كاك (كەمال كەركووكی) گۆتێ هوون دێ شەرەی كەن؟ ئەوا گۆت بەلێ دێ شەری كەین و چەوا ئەم شەری ناكەین و(عزیز وەیسی) گۆتێ 500 پێشمەرگێن زێرەڤانی ل بەر دەستێ مە هەنە و ئەگەر ل دەڤەرەكێ وە پێدڤی پێ هەیە نوكە دێ هنێرم (شێخ جەعفەر) گۆتێ پێدڤی ناكەت و ئەم دەركەتین من گۆتە دكتور (كەمالی) ئەم دێ چین هێزێن خوە رێك ئێخین و كاك (كەمال كەركوكی) ئەز و (سەربەست و عزیز) بووین و ب رێكێ ڤە دەمێ ئەم چووین مە دیت هێزێن وا یێ خوە ڤەدكێشن و جادە سێ رێزی ژ ترۆمبێلان هاتبوو گرتن و هەتا كەنالێن راگەهاندنێ ژی پرسیار ژێ دکر بۆچی خوە ڤەدكێشێن ئەوا بەرسف نەدا و ب تنێ گۆتێ رێكا مە بكە و ئەم دا بورین، جارەكا دی مە بەرێ خوە دا رێكا جسرێ (ملا عەبدوللا) و هێزەكا وا ل وێ دەڤەرێ بوو و كارێ خوە ڤەكێشانێ دكر و مە گۆتە ئامر لیوای گۆت فەرمانا ڤەكێشانێ بوومە هاتیە و ئەم دێ چین مە چ پلانێن بەدیل نەبوون پێش وەخت و ئەگەر ل ڤی جهی تونەمایی تە جهەكێ بدیل هەبیت و مە گۆتە بەرپرسێ محوەری بەر سینگێ هەوە هەمی هاتەبەردان و دڤێت ئەم هێزێن خوە ل جهەكی كوم كەین و تەركیزێ ل سەر بكەین و كاك (كەمال) چوو محوەری و ئەم ئەڤ هەرسێن دی چووینە دەڤ هێزێن خوە و هێزێن مە بەرنامەیەک دانا و دا هەمی هیزا ل خەتەکی دانین چوینە (بەرین خرابەرووتە) و هێزێن كاك (حسێن یزدوك) پێشمەرگێ رۆژهەلاتا كوردستانێ حزبا ئازادی ژی ل وی جهی بوون و ل شەرێ داعش ئەوا رۆلەكێ باش گێرا بوو و هەتا شەری پردێ ژی ڤێ هێزا پێشمەرگێ رۆژهەلاتێ كوردستانێ رۆلەكێ باش هەبوو و ئەم هاتین جهێ دروست بوو و مە هێزێن خوە رێزكرن هەتا دگەهیتە سەر ئاڤێ و شیانێن هێزێن زێرەڤانی دباش بوو و هەمی پێدڤی ل گەل دا هەبوون و مە لیوا (سالار تەیمور) راسپارد و مە گۆتێ جادێ سێ میتران ببڕە دا چ هێزێن وان دەربازنەبن.
