یاسایا کۆنترۆلکرنا حەزا کڕینێ
مروڤ بەردەوام بزاڤێ دکەت حەزێن خۆ پڕ بکەت، گەلەک جاران ئەم دکەڤینە داڤا کڕینا هندەک کەلوپەلێن بێ مفا و ڕەنگە وەک پێدڤی بکارنائینین، ئەڤ چەندە دبیتە ئەگەرێ ژ دەستدانا پشکەکا داهاتێ تە و زوی ژ کڕینا وان پەشیمان ببی، لێ چارەسەریا ڤێ ڕەفتارێ ب یاسایەکێ هەیە کو دبێژنێ یاسایا “72” ئەڤ یاسایە ژی د دەستێن تە دایە.
یاسایا 72 چەوا کار دکەت؟
دەمێ تو حەز ژ بەرهەمەکێ یان کەلوپەلەکێ دکەی، مەژیێ تە ماددێ “دۆپامین” چالاک دکەت و وێنەیەکێ خەیالی د مێشکێ تەدا چێدکەت داکو تە هان بدەت ب زویترین دەم وی تشتی بکڕی، ئەگەر تو ل دویڤ ڤێ حەزێ بچی، دێ پارەکێ زور ل تشتێن بێ مفا مەزێخی.
یاسایا 72 دبێژیت: بەری تو بڕیارا کڕینا وی تشتی بدەی پێدڤییه 72 دەمژمێران ئانکو 3 رۆژان خۆ بگری، چونکی پشتی سێ رۆژان ئەو حەزا زور کێم دبیت و تو دشێی ب رەنگەکێ لۆژیکی هزر ل کڕینا وی کەلوپەلی بکەی، نەک ب هەستێن دەمکی.
د ڤان سێ رۆژان دا ڤان پرسیاران ژ خۆ بکە:
– ئەرێ پارێ پێدڤی بۆ ڤێ کڕینێ ل دەف من هەیە؟
– ئەرێ من پێدڤی بڤی تشتی هەیە و دێ بکارئینم؟
– ئەرێ ئەڤ تشتە هەژی وی بهایە یێ دهێتە خواستن؟
ئەگەر پشتی سێ رۆژان تە ئەو تشت ژبیر کر، رامانا وێ ئەوە کو تو هەر ل دەستپێکێ یێ پێدڤی نەبوی.
ئەنجام
کۆنترۆلکرنا ئارەزویێن کڕینێ، هەتا بۆ تشتێن ئەرزان ژی، دێ هاندرەکێ مەزن بیت دا کو تو بگەهیە ئارمانجێن خۆ یێن دارایی یێن مەزن و پاشکەفتەکێ باش بۆ خۆ چێبکەی.
