ههر پارێزهرهكێ پێگیریێ ب قانوونێ نهكهت دێ لێپرسین دگهلدا هێتهكرن
ههولێر، قائید میرۆ:
نهقیبێ سهندیكا پارێزهرێن كوردستانێ ئاشكرا كر، پشتی پرۆسا بایۆمهتریێ بۆ پارێزهران هاتیهكرن هندهك پارێزهر هاتینه لادان و گۆت؛ ژبهر قهیرانا دارایی و هژمارا زۆر یا پارێزهران دهلیڤا كاری كێم بوویه بۆ پارێزهران و ئاریشهیێن جڤاكی ژی كاریگهری لسهر رهوشا پارێزهران ههبویه.
بهختیار حهیدهر، نهقیبێ سهندیكا پارێزهرێن كوردستانێ د دیدارەکێ دا بۆ رۆژنامەیا ئهڤرۆ دیار کر سال بۆ سالێ هژمارا پارێزهران بهر ب زێدهبوونێ یه، ژبەرکو خهلك زۆر دچیته كۆلیژا قانوونێ داکو پشتی تهمام بوونا زانكۆیێ ببنه پارێزهر و بكهنه ژێدهرێ ژیانا خۆ، نها چارده هزار پارێزهر ل سهندیكا پارێزهران ئهندامن و گۆت؛ پێشبینی دكهین هێشتا هژمارا پارێزهران زێده ببیت، ژبهركو ههر سال دهرچوویێن كۆلیژا قانوونێ دبنه ئهندام ل سهندیكا پارێزهران.
نهقیبێ سهندیكا پارێزهرێن كوردستانێ دیار کر، پارێزهران ژی وهكی ههموو تهخێن دی یێن جڤاكی زۆر جاران ئاریشه ههنه، هندهك ژوان ئاریشهیان گرێدایی پارێزهرانن و هندهكێن دیژی ئاریشهیێن گشتی نه یێن جڤاكی و گۆت؛ پارێزهر ژی ههر ئهندامێن ئهڤی جڤاكی نه، نههنارتنا مووچهی و بودجێ ههرێما كوردستانێ ژلایێ بهغداڤه چاوا كاریگهری لسهر تهخێن دی یێن جڤاكی ههبۆیە ب ههمان شێوه كاریگهری لسهر رهوشا پارێزهران ژی ههبوویه.
بهختیار حهیدهر، د بەردەوامیا ئاخفتنێن خۆدا دیار کر کر ژی، نهبوونا دهلیڤا كاری دناڤا پارێزهران ههیه، ئێك ژ ئهگهرێن نهبوونا كاری بۆ هندهك پارێزهران ژبۆ زۆربوونا هژمارا پارێزهران ڤهدگهڕیت و گۆت؛ چونكه قوتابیێن دهرچوویێن كۆلیژا قانوونێ پشتی ب دهستڤهئینانا باوهرناما زانكۆیێ یان دێ كارێ پارێزهریێ كهن یانژی ل دهزگهههكی بنه پارێزهر.
بەختیار دا زانین کو خهلك ژی دبێژیت هژمارا پارێزهران یا زۆره و رهنگه كار وهكی ئێك بۆ ههموو پارێزهران نهبیت، ژبۆ زێدهتر پهیداكرنا دهلیڤا كاری، سهندیكا پارێزهران پرۆسا بایۆمهتریێ بۆ پارێزهران بڕێڤه بریه و هژمارهكا زۆر یا پارێزهران هاتینه لادان، چونكه ل گورهی قانوونێ نابیت پارێزهر فهرمانبهر بیت و د ههمان دهمدا كارێ پارێزهریێ ژی بكهت و گۆت؛ مخابن دهركهفتیه هندهك پارێزهر فهرمانبهر بووینه و د ههمان دهمدا پیشهیا پارێزهریێ كریه ئهڤه ههموو هاتینه لادان و كۆنتڕۆلكرن.
نهقیبێ سهندیكا پارێزهرێن كوردستانێ ئەو چەندە ژی دیار کر، پارێزهرا رۆلهكێ بهرچاف ههبوویه د جێبهجێكرنا قانوونێ دا و چارهسهركرنا ئاریشهیان، ههر پارێزهرهكێ پێگیری ب قانوونێ ژی نهکربیت، لێپرسین دگهلدا هاتیهكرن و گۆت؛ پارێزهر ژی مرۆڤه و هندهك جاران تووشی شاشیان دبیت چهندین سكالا ههبووینه ژلایێ وهلاتیانڤه لسهر پارێزهران و ل گورهی قانوونێ هاتینه ئیكلاكرن و پشتی پشتڕاست بوونێ پارێزهر هاتیه سزادان.
