تیپا دهۆك یا هونەرێ مللی دێ نوونەراتیا هەرێما كوردستانێ كەت
زنار تۆڤی:
حەسەن فەتاح، پەیڤدارێ رێڤەبەریا گشتیا رەوشەنبیری و هونەری ل دهۆكێ، بۆ رۆژناما ئەڤرۆ دیاركر كو بڕیارە تیپا دهۆك یا هونەرێ مللی، ب نوونەراتیا هەرێما كوردستانێ، پشكداریێ د گەڕا 39 ێ، یا فێستیڤالا نێڤدەولەتیا سۆراجكۆند ل باژێرێ فەرید ئاباد ل وەلاتێ هندستانی دا بكەت.
ناڤهاتی گۆت: ئەو فێستیڤالا كلتۆری ب پشكدارییا هژمارەكا مەزن یا تیپێن هونەری و هونەرمەندان ژ 44 وەلاتێن جیهانی دێ برێڤەچیت و ل رۆژێن 31 ی كانوونا دویێ هەتا 15 ی شواتێ ل وەلاتێ هندستانێ دێ یا بەردەوام بیت.
