دیمەنێن ژەهركرنا خەلكێ مە ل كەمپا مێردینێ چـو جاران ژ بـەر چاڤێن من ناچن
سالار محەمەد دۆسكی:
7-9
هەمان پێشمەرگێ شۆرەشا گولانا ئەو ژی گۆت: ئەگەر بەحسێ چوونا خەلكێ خوە بكەین هەر ژ چوونا گوندان هەتا كەمپا مێردینێ و وێزگەهـ وەك چیرۆكا روستەمێ زال ب شەڤان ژی ب دووماهی ناهێت و نە تشتەكێ ب ساناهی بوو ئێكجار بهێـتە گۆتن بەلكو هەر تاكە مرۆڤەكی چیرۆك و دیتنەك و رەوشەك هەبوو، هەر سالەكا وێ كەمپێ یا تژی خەم و كاودان و نەخوشی و دەردەسەری بوو و هندەكا ژی خوشی و ئاهەنگ و هەلكەفت دیتن.
جەمال بەندی ئەو ژی دیاركر كو ل هەیڤا 10 یا سالا 1992 ژ كەمپا مێردینێ ل گەل خێزانا خوە ڤەگەریانە كوردستانا ئازاد، ل دور پەوەندیێن خوە ل كەمپێ ل گەل خێزان و كەس و كارێن خوە ل ئیراقێ ناڤبری گۆت: نامە نەبوون بەلێ پەوەندیا تێلەفونی هەبوو وئەوژی ئەگەر بۆ ئێكی پەیوەندی هاتبا و كارگێری یا كەمێ ئەگەر زانیبا دێ بەرژوەندا كەمپێ و كارگێریا كەمپێ دا ئاخفت و گوتبایێ مە دڤێت بزڤرینە ڤە ئەوا دەلیڤە دایێ باخڤیت و مە ئامیرەك هەبوو دا ب وی ئامیرەی گازی كەنێ و ل ناڤ كەمپێ هەمی سەماعە بوون و دا گازی كەن فلان كەس كورێ فلان كەسی پەیوەندیا تە هەیە و دا هێ یە ژوورا كارگێریێ و ل دەمێ ئاخفتنێ فەرامانبەرێ كەمپێ یێ حازربوو و ئەگەر نەمیت با ژی فەرمانبەرێ كارگێریا كەمپێ یێ بەرهەڤ بوو و گوهداری یا تەدكر و ئەگەر تە گۆت بایێ جهێ مەیێ خوشە و ئەم ناهێینە مال و رژێما سەدام یا دحالێ دا و رەوشا مە ل ئیراقێ یا نەخوش بوو و ئەم خودان كێشەی نە و ئەم هاتینە دەڤەرێ ئێكسەر دا پەیوەندیا تە بڕیت و ئێك پەیوەندی ژی ژ ئیراقێ بوومە نەهات و هەتا زڤرینە كوردستانێ وەك پێشتر مە ئاماژە پێكری ل سالا 1992ێ و ئەم هاتینە سلوپی و ئەم ل ئیبراهیم خەلیل را دەربازی كوردستانێ بووین.
جەمال بەندی بەحسێ پەوەندیێن جڤاكی دناڤبەرا خەلكێ كوردستانێ و تایبەت ئاكنجیێ، كەمپێ كر و گۆت: هەر پێكئینانەكا خێزانێ هاتبا دروستكرن هەر دناڤ كەمپێ دا بوو ژ گوندی بۆ گوندی و ژ مرۆڤی بۆ مرۆڤی و ژ كەمپی دەرنە كەفت و حالەتەك دو هەبوون هەر خەلكێ مەبوون دناڤبەرا كەمپێن مێردین و دیاربەكر دا پێكئینانا خێزانێ هاتە دروستكرن و خەلكێ بیانی وەك پێشتر من گۆتی ل گەل خەلكێ مە خێزان پێك نەئینا بوون.
هێشتا ژی گۆت: ئەوا چار سالێن ژیانا كەمپێ گەلەك دەوات و شەهیان دروست بوون چونكە ئەز ئێك ژ ئەندامێن كومیتێ بوون ئەوێن خەلكی فرێدکرن بازاری بۆ بەرهەڤیێن دەواتێ و خودانێن دەواتێ سرا نەبوو و دا بێژینە موختارا ب رێكا راگەهاندنێ دا بێژین ئاگەهداری بۆ هەمی گوندان كیش موختاری دەوات هەنە بلا ناڤا بگەهینتە مە و دا ناڤا گەهینن و سرا دەواتێ یا جودا بوو و خودانێن دەواتێ دا بۆ بیك و زاڤا چنە بازاری تشتی كرن و هندەك رۆژا مە پێنچ دەوات هەبوون ئەو خەلك چوو بازاری و بتنێ ماركرنا مامۆستایێ ئاینی بوو، برایێ من دەواتا وی مە ل كەمپێ كر و ل دەڤ مامۆستایێ ئاینی ماركر و پشتی سەرهلدانا پیرۆز و زڤرینە كوردستانێ شنی چوو دادگەهێ خێزانا خوە ب فەرمی ماركر و ل دادگەها دهۆكێ دادوەری ماركر و هاتە پەسەندكرن و ناڤێ، زارۆكێن خوە ل سەر دەرخستن.
جەمال بەندی ئەو ژی گۆت: ماوێ ژەهردانا خەلكێ مە رۆژەكا گەلەك نەخوش بوو ب سەرێ خەلكێ مەهاتی ل كەمپا مێردینێ و هەتا نوكە ئەو دیمەن پێش چاڤێن من ناچن، گۆت: رۆژەكێ مەغرەب بوو و ئەز و كاك حسێن بێسفكی خەفەر بووین ل كومیتێ و كاك (حسێنی) نینوكێن وی دوەریان چونكە وەختی دا وەكی نەخوشیەكێ بوو و نینوكێن وی دوەریان و هاریكارێ والیی هنارت بوو چارەسەریێ ل ئستەنبول و ئەنقرە و چارەسەری یا وی وەك دەرمان بۆ هاتبوودان گۆت كاك جەمال دێ چمە مال نینوكێن خوە دەرمان كەم و زڤرم و مەغرەب بوو و چوو و من دیت ژنەكا دانعەمر هات و كچەكا بناڤ ملان ڤە و پرسیارا نوژداری كر و مە گۆتێ خیرە گۆت كچا من شیڤا خواری و یا كەفتی و دلێ وێ رابوو و بێ دەنگ بووی و مە برە ژوور ڤە و نوژدارێ حازربوو و نوژدار تورك ناڤێ وی (سەچوك) بوو و برین پێچەكا ئافرەت وێرێ بوو و ناڤێ وێ ( گولزەن) كورد بوو و تەختەك وێرێ بوو مە ل سەر درێژكر و نوژدار چوو هنداڤ و پرسیار كر چ لێ دهێت؟ و دایكێ تشتی بۆ گۆتن و چ خاریە هەر هەمی گۆت و گۆتێ دێ شێی پارچەكا وی نانی بوومە ئینی؟ و پرتەكا وی نانی بو ئینا و نوژداری سەمون ل دەڤ مە ژێكڤەكر و نیڤەكا سەمونێ وەكی كیفکویێ بوو و ئێكسەر نوژداری چاڤێن خوە نقاندن و سەرێ خوە وەرگێرا و بهنژی و چو بەر مغسەرێ دەستێن خوە شیشتن و ئێكسەر گۆتە من تو دشێی رابگەهینی ئەڤ نانێ هاتیە بەلاڤەكرن ئەڤرۆ بلا خەلك نەخوت و ئەوێن خواری سەرەدانا مە بكەن و من گۆتێ نوژدار خێرە؟ گۆت ئەز بێژمە تە وە بێژە بەلێ من ئاگەهـ ژێ نینە و من گۆتە برین پێچێ كا بێژێ بابەت چیە؟ گۆت ئەڤە یێ ژەهركریە و ئەژی ئێكسەر زڤریم و چوومە ژوورا كارگێریێ ڤە و مە دەنگەك هەبوو ئەگەر سێ جاران هاتبا لێدان رامانا وێ ئەوە تشتەكێ گرنگ هەیە و دڤێت گوهداری بهێتەكرن و هەر پوستەك یان ئاگەهداریەكا هاتبا بڤی رەنگی مە دگەهاندە خەلكی و دڤێت گوهداری كربا وەك پێشتر مە ئاماژە پێكری دناڤا كەمپێ دا هەمی سەماع بوون و هەر چ هاتبا گوتن ئێكسەر دگەهشتە خەلكێ مە هەر ئێكسەر و ئەڤ لێدانە رامانا وێ ئەو بوویە.
