بیست هایكۆ بۆ خۆڕاگری و بەرخۆدانا ڕۆژئاڤایێ دل
زەكەریا حەمید
1
ڕۆژ ئاڤایێ دل،
برینەك بەرگرییێ دكەت..
دا ب بیتە ژیان.
2
سینگێ شەڕڤانان..
نەخشێ وەلاتەكیی یە،
1=2+2)).
3
ل سەر دیواران ..
ناڤێ شەهیدێن وەلات،
خەبات بەردەوامە.
4
ئەسمان نێزیك دبیت،
دەمێ شەڕڤان..
سەرێ خۆ بلند دكەن.
5
دەنگێ شەڕڤانان..
تاری وندا كرن،
وەلات ئازاد كر.
6
ل ژێر بۆردومانێ،
گولا كەنمی نا چەمیێت..
شەهید دبیت.
7
بۆ ئاخا وەلاتی..
گاڤێن شەڕڤانان،
جیهانێ هشیار دكەن.
8
خانیێن سۆتی..
بۆ (با)ی خویا دكەن،
رامانا خۆڕاگرییێ.
9
خوینا ل سەر ئالایی،
نیشانا خۆراگرییێ یە..
لەوا یێ پیرۆزە.
10
ئەسمان پەنجەرەیێن نوی..
بۆ شەهیدێن رۆژ ئاڤا،
ڤەدكەت.
11
د تارییێ دا،
ئالایێ كوردستانێ..
د بریسقیتن.
12
د چاڤێن شەهیدی دا،
بهارەك هەیە..
چ جاران نا بەهیت.
13
بۆ پێشە ڕۆژێ..
برینەكا ڤەكری،
دكەتە كەنی.
14
دەمێ د جەنگیت..
ئەرد تلیلیان ڤەددەت،
بن پێن شەڕڤانان.
15
شەڕڤان د جەنگن..
ئازادی و سەرخۆبوونێ،
دكەنە خەلات.
16
برینا مە یا كەڤنارە..
لێ دلێ مە نویترە،
ژ سوباهی.!
17
شەڕڤانێن كورد،
د دلێ دیرۆكێ دا..
سروودا د بێژن.
18
شەڕڤان،
دەما شەهید ژی دبن..
سیتاڤا وان هەر د جەنگیت.!
19
گاڤێن شەڕڤانێ..
ڕوومەتییێ رێك دئێخیت،
بۆ وەلاتی.
20
د سینگێ وێ دا،
خۆڕاگرییا شەڕڤانا و…
دلێ دایكێ یە.
