من چ سنۆر بۆ گێڕانا رۆلان نینن
هەرهین محەمەد:
نەزمی كرك، ئەكتەرێ بەرنیاسێ باكورێ كوردستانێ، د دیدارەكێ دا بۆ رۆژنامەیا ئەڤرۆ گۆت: ئەز وەكو ئەكتەر چو جاران من ئەو هەلبژارتنە نینە دڤێت فلان رۆلی بگێڕم و هەر رۆلەكێ بۆ من بهێت بێ دودلی دگێڕم و من چ سنۆر نینن بۆ گێڕانا رۆلان و دێ گەلەك یێ كەیفخۆشبم ل گەل دەرهێنەر و ئەكتەرێن دهۆكێ كارەكی بكەم، چونكو كورد د ئەكتەریێ و دەرهێنانێ دا گەلەك د پێشكەفتی نە و چیرۆك و سەرهاتی و داستان ژی دناڤ كوردان دا هەنە.
نەزمی گۆت: گەلەكێ كەیفخۆش بووم كو ل فلمە فێستیڤالا دهۆكێ دا من خەلاتێ باشترین ئەكتەر وەرگرتی و هەرسال دەمێ فیستیڤال دهێتە گێڕان ئەز پشكداردبم، ئانكو بوویمە ئێك ژ خەلكێ دهۆكێ و دهۆك بۆمن نە باژێرەكێ غەریبە، بۆ زانین من ئەكتەری دگەلەك دراما و فلمێن توركی دا كریە و پتریا وان ژی هاتینە دوبلاژكرن بۆ زمانێ كوردی و ئەڤێ چەندێ ئەز ل دەڤەرا بەهددینان و سوران بەرنیاس كریمە ب تایبەتی دراما (سولتان) دا من رۆلێ حەیدەری گێڕایە و خەلكی ب ئەوی رۆلی ئەز نیاسی مە و چێكرنا دراما ل توركیا یابەردەوامە و نوكە ژی ددرامایەكا نوو دا كاردكەم ب ناڤێ (ئوزاك شەهیر) د ئەوێ درامایێ دا رۆلێ نەدیمی دگێڕم.