ئۆرگ هەڤالەكا نێزیكە بۆ من
بێوار حەمدی:
مۆزیكژەن (رامان سەفەر) د دیدارەكێ دا بۆ رۆژنامەیا دیاركر كو ئەڤە هەشت سالن ئەو ژەنیارێ ئۆرگێ یە و هەلبژارتنا وی بۆ وی ئامیرەی بۆ بەری چەندین سالان دزڤڕیت و یێ خۆشحالە كو حەزا وی بجهـ هاتی.
ناڤهاتی گۆت: ژبەركو ئۆرگ ئامیرەیەكێ خۆشە باراپتر ل شەهیان و ئاهەنگ و لایڤ مۆزیكان دهێتە ژەنین، ل دەف من ئۆرگ گەلەكا گرنگە، چنكو گەلەك تایبەتمەندیان ب خۆڤە دگریت، هەروەسا گەلەك ڕامان ژی هەنە و هەڤالەكا نێزیكە بۆ من و هەردەم ئەز دبێژم هەكە مرۆڤی حەز و ئیرادە هەبیت ژەنینا ئۆرگێ یا ب ساناهی یە و بۆ پاشەڕۆژێ من ل بەرە خۆلێن فێركرنا ئۆرگێ ڤەكەم.
