هیڤیدارین رێککەفتنا ل سووریێ بەردەوام بیت
رەجەب تەیب ئەردۆغانێ سەرۆک کۆمارێ تورکیا دیار کر، رێککەفتنەکا باش ل سووریێ هاتیە کرن و نها رەوشا سووریێ ئارامە، تورکیا، قەتەر، ئوردن، مسر و گەلەک وەلاتێن دی یێن عەرەبی ژی پشتەڤانیێ ل ئارامیا نها ل سووریێ دکەن، وەکو تورکیا وان نەڤێت چو شەر و ئالۆزی ل سووریێ دروست ببن، دڤێت ب جهێ شەری و ئالۆزیان هەموو ئالی پێکڤە کار بکەن دا رەوشا ژیانا خەلکی ل سووریێ باشتر ببیت.
ئەردۆغانی ئەو یەک ژی دیار کر، وەکو تورکیا ئەو ژ نێزیکڤە دووڤچوونا رەوشا سووریێ دکەن و رێ نادەن چو ئالۆزیێن نوو ل سووریێ دروست ببن و دڤێت هەسەدە ژی پێگیریێ ب رێککەفتنا نوو بکەت و ئاریشەیان دروست نەکەت، چونکی هەر ئالۆزیەکا نوو ل سووریێ دێ ئەنجامێن خوە یێن خراب بۆ هەموو سووریێ و هەتا دەڤەرێ هەبن و گرنگە چو هێزەک نەبیتە ئەگەرێ ئالۆزیێن نوو ل سووریێ.
