سترانا (كوردبوون دەرمانە) بەلاڤكر
سترانبێژ (حكمەت برا) كو ژ باكورێ كوردستانێ یە، وەك هەلویستەك بۆ پشتەڤانیا گەلێ كورد ل رۆژئاڤایێ كوردستانێ، نووترین سترانا خۆ ب ناڤێ (كوردبوون دەرمانە) ل سەر كەنالێ خۆ یێ یوتیوبی بەلاڤكر.
ناڤهاتی گۆت: پەیڤ و ئاوازێن ڤێ سترانێ یێن هەلبەستڤان(ئەمین بۆتانی) نە، كارێ مۆنتاژی ئەز پێ رابوویمە، ئەڤ سترانە رۆناهییێ د ئێخیتە سەر دیرۆكا پر ژ سەرفرازی و خەباتا گەلێ كورد ل هەمبەر ستەما دۆژمنان، هەروەسا داكوكیێ ل سەر ئێكگرتنا هەر چار پارچەیێن كوردستانێ دكەت كو ب هێزا كوردایەتیێ و خۆراگریا كوردان، گەلێ كورد هەموو سنۆرێن دەستكرد رەتكرینە و ئێكگرتنا خۆ پاراستیە.
